Sual - cavab

BB3 altqupu üzrə keçid balı 70% olduğu üçün, müraciətdə qeyd etdiyiniz halda, BB3 altqrupu üzrə sertifikat verilir və həmin sertifikat BB4 altqrupuna aid olan vəzifələr üzrə keçirilən müsahibələrdə də iştirak etmək hüququ verir.

Əgər Siz Azərbaycan Respublikası Prezidenti tərəfindən təsdiq olunmuş  Azərbaycan gənclərinin xarici ölkələrdə təhsili üzrə dövlət proqramı çərçivəsində xaricdə təhsil almışsınızsa, bu zaman barənizdə dövlət qulluğuna qəbulla bağlı “Dövlət qulluğu haqqında” Qanunun 28.1-ci maddəsi tətbiq edilmir. Bu şəxslər vakant dövlət qulluğu vəzifəsinin aid olduğu dövlət orqanına müraciət edərək, tələb olunan sənədləri təqdim etməlidirlər. Sənədlər təqdim edildikdən sonra həmin şəxslər 5 iş günü müddətində dövlət orqanının rəhbərinə təqdim olunurlar. Dövlət orqanının rəhbəri həmin şəxsləri stajçı kimi qulluğa qəbul etməli və vakant dövlət qulluğu vəzifəsinə təyin etməlidir.

“Dövlət qulluğu haqqında” Azərbaycan Respublikası Qanununun 28-1.1-ci  maddəsinə əsasən, dövlət qulluqçusu kimi fəaliyyətini davam etdirmək istəyən şəxs sertifikatın qüvvədə olma müddətinin son ilində növbəti sertifikat almaq üçün Mərkəz tərəfindən keçirilən imtahanlarda iştirak etməli və yenidən sertifikat almalıdır. Həmin müddəa “Dövlət qulluğu haqqında” Azərbaycan Respublikasının Qanununda dəyişikliklər edilməsi barədə”  31 may 2016-ci il tarixli 267-VQD nömrəli Azərbaycan Respublikasının Qanunu qüvvəyə minənədək (10 avqust 2016-cı il) dövlət qulluğuna qəbul edilən şəxslərə şamil edilmir. Beləliklə, həmin şəxslərin dövlət qulluğunda fəaliyyətlərini davam etdirmələri üçün sertifikat almalarına zərurət yoxdur.

Dövlət qulluğunda azı 5 il qulluq stajı olan və dövlət orqanlarında inzibati vəzifələrdə çalışmış şəxslərin vakant inzibati  vəzifələrin tutulması üçün keçirilən ümumi müsahibələrdə iştirak etmək hüququ var. Həmin şəxslər müsabiqənin müsahibə mərhələsində iştirak etmək istədikləri halda, həmin vəzifə altqrupu üzrə sertifikat əldə etməlidirlər.

Stajçı kimi dövlət qulluğuna qəbul edilmiş şəxs həmin müddətdə yenidən dövlət qulluğuna qəbulla bağlı müsabiqədən keçərək yeni vəzifəyə təyin edildikdə, əvvəlki vəzifədəki staj müddəti nəzərə alınır. Sınaq müddəti ilə dövlət qulluğuna qəbul edilmiş şəxs isə yenidən müsabiqədən keçdikdə, əvvəlki sınaq müddəti nəzərə alınmamaqla, yenidən sınaq müddəti ilə vəzifəyə təyin edilir.

Müvafiq sahə üzrə ümumi iş stajı olan şəxslər iş stajı tələb edilən vəzifələr üzrə elan edilmiş müsahibələrdə iştirak edə bilərlər.

Bəli, mümkündür. Dövlət qulluğu vəzifələri üzrə bir neçə Sertifikat alına bilər.

Xeyr, iştirak edə bilməz. Vəzifələrin müvafiq altqrupu üzrə sertifikata malik olan şəxs sertifikatda nəzərdə tutulmuş vəzifə, habelə həmin altqrupun aid olduğu qrup daxilində daha aşağı altqruplara uyğun olan vəzifə üzrə keçirilən müsahibələrdə iştirak edə bilər. Yəni AB qrupu üzrə imtahanda iştirak edərək AB2 altqrupuna uyğun olan sertifikat əldə edən şəxs AB2, AB3, AB4 altqruplarına daxil olan vəzifələr üzrə  elan edilmiş müsahibələrdə iştirak edə bilər.

Dövlət qulluğuna qəbul müsabiqə əsasında aparılır. Müsabiqə test imtahanından və müsahibədən ibarətdir. Dövlət qulluğuna dair qanunvericilikdə dövlət qulluğuna qəbul zamanı hər hansı güzəştlər nəzərdə tutulmamışdır.

Xeyr, iştirak edə bilməzsiniz. Dövlət qulluğunun müvafiq vəzifəsi üzrə test imtahanından keçdiyini təsdiq edən sertifikatı qüvvədə olan şəxs müsabiqənin müsahibə mərhələsində iştirak edə bilər.

Bəli, istədiyiniz diplomla qeydiyyatdan keçə bilərsiniz.

Müsabiqənin test imtahanında ali təhsil haqqında sənədə (diploma) malik olan şəxslər iştirak edə bilərlər.

Şagirdlər buraxılış imtahanında xarici dil fənni kimi məktəbdə onlara tədris olunan xarici dil fənnindən imtahan verəcəklər. Əgər şagird qəbul imtahanı fənni kimi başqa bir xarici dili seçmək istəsə, o zaman həmin fəndən əlavə imtahan verəcək. Beləliklə, abituriyentin qəbul imtahanında xarici dil seçimi sərbəst olacaq.

I,II,III və IV ixtisas qrupları üzrə ali təhsil müəssisələrinə qəbul olmaq istəyən əvvəlki illərin məzunları seçdikləri ixtisas qrupuna daxil olan fənlər üzrə qəbul imtahanı ilə yanaşı, buraxılış imtahanı formatında əlavə qəbul imtahanı da verəcəklər və hər iki imtahandan topladıqları balların cəminə əsasən ali təhsil müəssisələrinin müsabiqəsində iştirak edəcəklər.

Xeyr, V ixtisas qrupu üzrə ali təhsil müəssisələrinin ixtisaslarına qəbul yenə də buraxılış imtahanlarının nəticələrinə əsasən aparılacaq. Əvvəlki illərin məzunları isə V ixtisas qrupu üzrə Azərbaycan (rus) dili, riyaziyyat və xarici dil fənlərindən  qəbul imtahanı verəcəklər. V qrupu seçən abituriyentlərin hamısı, əvvəlki illərdə olduğu kimi, qabiliyyət imtahanı da verəcəklər.

Hər iki imtahan üçün suallar vahid texniki tapşırıq əsasında tam orta təhsil səviyyəsinin tədris proqramlarına uyğun hazırlanır, və hər iki imtahanda hər bir fənn üzrə sualların ümumi çətinlik dərəcəsi eyni olur.

Bəli, qəbul qaydalarında edilmiş dəyişikliyə əsasən, 2018-ci ildən etibarən abituriyentlər eyni ildə I, II, III və IV qrupların ikisi üzrə qəbul imtahanında iştirak edə bilərlər. Müxtəlif ixtisas qrupları üzrə qəbul imtahanında iştirak edən abituriyentlər hər iki ixtisas qrupu üzrə müsabiqə şərtini ödədikləri halda öz ixtisas seçimi ərizələrində hər iki ixtisas qrupuna daxil olan ixtisasları seçə bilərlər. Hər hansı bir ixtisas qrupu üzrə müsabiqə şərtini ödəyən abituriyentlər isə yalnız həmin ixtisas qrupuna daxil olan ixtisasları seçə bilərlər.

Bəli, bütün abituriyentlər (istər əvvəlki illərin, istərsə də cari ilin məzunları) birinci imtahanda iştirak etmədən birbaşa ikinci imtahanda iştirak edə bilərlər. Eyni zamanda, birinci imtahanda topladıqları balla kifayətlənən abituriyentlər ikinci imtahanda iştirak etməyə də bilərlər.

Hər iki qəbul imtahanında iştirak edən abituriyentlər müsabiqədə hansı imtahanın nəticəsi ilə iştirak edəcəyini özləri müəyyən edəcəklər. Təbii ki, bu zaman abituriyentlər hansı imtahanda daha çox bal toplayıblarsa, müsabiqədə həmin bal əsasında iştirak etmək istəyəcəklər. Ancaq belə bir hal da ola bilər ki, tutaq ki, abituriyent birinci imtahanda 350 bal toplayıb və bütün fənlər üzrə nisbi bal məhdudiyyətini (minimal 10 bal) ödəyib. İkinci imtahanda isə 370 bal toplayıb,lakin hər hansı bir fəndən nisbi bal məhdudiyyətini ödəməyib. Belə olan halda abituriyent birinci imtahanda topladığı balla (350 bal) dövlət sifarişli yerlərin müsabiqəsində iştirak edə bilir, ikinci imtahanda topladığı balla isə (370 bal) dövlət sifarişli yerlərin müsabiqəsində iştirak edə bilmir. Bu halda abituriyent seçimini özü edir. Ya birinci imtahanda topladığı balla həm dövlət sifarişli,həm də ödənişli əsaslarla olan ixtisasların müsabiqəsində iştirak edir, ya da müsabiqədə daha yüksək balla iştirak etmək istəyərək ikinci imtahanın nəticəsi əsasında yalnız ödənişli yerlərin müsabiqəsində iştirak edir. Beləliklə, bütün bu kimi hallar nəzərə alınaraq seçim etmək abituriyentin öz ixtiyarına verilir.

Xeyr, siz bu il yenidən Azərbaycan dili fənnindən imtahan verməyəcəksiniz. Çünki keçən il Qəbul qaydalarında aparılmış dəyişikliyə əsasən, qəbul imtahanını rus dilində verən abituriyentlər Azərbaycan dili fənni üzrə verəcəkləri test imtahanından “məqbul” qiymət alarlarsa, həmin nəticə cari və növbəti tədris ili üçün etibarlı olacaq. Yəni sizin keçən il Azərbaycan dili fənni üzrə verdiyiniz imtahanın nəticəsi bu il də qüvvədə olacaq.    

Xeyr, açıq tipli test tapşırıqları üzrə səhv cavablar doğru cavabların sayına təsir göstərmir.

“Təhsil haqqında” Azərbaycan Respublikası Qanununun 26.5-ci maddəsinə əsasən dünya fənn olimpiadalarının, yüksəksəviyyəli beynəlxalq müsabiqələrin və yarışların qalibləri müvafiq ixtisaslar üzrə ali təhsil müəssisələrinə müsabiqədənkənar qəbul olunurlar. Ancaq qeyd etmək lazımdır ki, müvafiq ixtisaslar üzrə ali təhsil müəssisələrinə müsabiqədənkənar qəbul olunmağa əsas verən dünya fənn olimpiadalarının, incəsənət sahəsi üzrə yüksəksəviyyəli beynəlxalq müsabiqələrin siyahısı Azərbaycan Respublikası Nazirlər Kabinetinin 2010-cu il 25 iyun tarixli 119 nömrəli qərarı ilə, idman sahəsi üzrə  beynəlxalq yarışların siyahısı isə Nazirlər Kabinetinin 2012-ci il 26 iyul tarixli 159 nömrəli qərarı ilə təsdiq edilmişdir. Sonuncu qərara əsasən yalnız Olimpiya oyunları və olimpiya idman növləri üzrə Dünya və Avropa çempionatı və birincilikləri, Beynəlxalq Olimpiya Komitəsi tərəfindən tanınmış qeyri-olimpiya idman növləri üzrə Dünya və Avropa çempionatı və birinciliklərinin qalibləri müvafiq ixtisas üzrə ali təhsil müəssisələrinə müsabiqədənkənar qəbul olmaq imkanına malikdirlər.

Siz ümumi qaydada elektron ərizə doldurub tələb olunan sənədləri (bunların siyahısı “Abituriyent” jurnalının ərizə qəbulu elanı dərc olunacaq 2-ci sayında göstəriləcəkdir) DİM-də və ya onun regional bölmələrində yaradılmış SQK-lardan hər hansı birinə təqdim etməklə ərizənizi təsdiq etdirməlisiniz.

Mən I ixtisas qrupu üzrə imtahana hazırlaşıram. Milli Aviasiya Akademiyasına daxil olmaq istəyirəm. Oxuduğum məktəbdə bizə xarici dil kimi fransız dili tədris olunur. Qəbulda xarici dil kimi fransız dilindən imtahan verə bilərəmmi?

Rus bölməsinin abituriyentləri “Azərbaycan Respublikasında Dövlət dili haqqında” Azərbaycan Respublikasının qanununa əsasən, “Azərbaycan dili” fənnindən test imtahanı verirlər. Bu imtahanın nəticəsi “məqbul” və ya “qeyri-məqbul”la qiymətləndirilir, “məqbul” alanlar qəbul imtahanlarına buraxılırlar. İmtahanda abituriyentlərə “Azərbaycan dili” fənnindən 30 test tapşırığı təqdim edilir. Hər düzgün cavab bir balla qiymətləndirilir. Səhv cavablar yekun bala təsir göstərmir. Abituriyentin “məqbul” alması üçün onun topladığı bal DİM-in müəyyən etdiyi müsabiqə şərtini ödəməlidir. Rus bölməsinə sənəd verən abituriyentlər üçün “Azərbaycan dili” fənnindən imtahan iki dəfə keçirilir. Birinci imtahanda iştirak edə bilməyən və yaxud “qeyri-məqbul” alan abituriyentlər ikinci imtahanda iştirak edə bilərlər.

• cari ilin məzunları - müsabiqədə buraxılış imtahanının nəticəsi əsasında iştirak etdiklərinə görə orta məktəbi hansı bölmə üzrə bitirirlərsə həmin bölmə üzrə də buraxılış imtahanı verir və həmin bölmə (Azərbaycan və ya rus) üzrə də ali məktəblərin ixtisas seçimində iştirak edirlər;
• orta məktəbin əvvəlki illərin məzunları - orta məktəbdə hansı dildə təhsil almasından asılı olmayaraq ali məktəbə sənəd verərkən istədiyi bölməni (imtahan verəcəyi dili) - Azərbaycan və ya rus, seçə bilər. Bu zaman onlar seçdiyi bölmədə qəbul imtahanlarında iştirak etməli və ixtisas seçimi ərizəsində həmin bölməyə aid olan ixtisasların kodlarını qeyd etməlidirlər;
• cari ilin məzunları - təlim ingilis və ya gürcü dilində olan orta məktəblərin məzunları- onlar buraxılış imtahanını yalnız riyaziyyat və xarici dil fənləri üzrə verdiklərinə qəbul olmaq üçün ərizə təqdim etdikləri halda buraxılış imtahanında riyaziyyat (11-ci siniflər – riyaziyyat və xarici dil) fənni ilə yanaşı ərizədə qeyd etdikləri bölməyə uyğun olaraq Azərbaycan dili və ya rus dili fənnindən də imtahan verirlər. 

Siz orta ixtisas təhsiliniz haqqında sənədin əslini; şəxsiyyətinizi təsdiq edən sənədin əslini; təhsil aldığınız müəssisə tərəfindən verilən və orta ixtisas təhsilinizin dövlət hesabına olub-olmamasını təsdiq edən arayışı; attestatın əslini və ya məzunu olduğunuz təhsil müəssisəsi tərəfindən verilən və attestat qiymətləri göstərilən arayışı müvafiq SQK-ya təqdim etməlisiniz.

Müsabiqə zamanı ümumi balı eyni olan iki və daha çox abituriyenti bir-birindən fərqləndirmək məqsədilə bir neçə əlavə göstəricilərdən istifadə edilir. Təhsil haqqında sənədə (attestata) "Azərbaycan dili" (təlim Azərbaycan dilində olan məktəblərdə), "Rus dili" (təlim rus dilində olan məktəblərdə), gürcü dili (təlim gürcü dilində olan məktəblərdə), “Ədəbiyyat”, "Xarici dil", "Riyaziyyat", "Azərbaycan tarixi", "Ümumi tarix", "Fizika", "Kimya", "Biologiya", "Coğrafiya" fənləri üzrə yazılmış yekun qiymətlərin ədədi ortası müsabiqə zamanı ilk növbədə nəzərə alınan əlavə göstəricilərdən biridir.

Müsabiqə şərti DİM tərəfindən hər hansı bir ixtisas qrupu üzrə müsabiqəyə buraxılmaq üçün qoyulan minimal tələbdir. Keçid balı isə müsabiqə nəticəsində hər hansı ixtisas üzrə formalaşan və müvafiq ixtisasa ən aşağı balla qəbul olan abituriyentin balına bərabər olan göstəricidir. Keçid balı müəyyən bir ixtisas üzrə müsabiqədə iştirak edən abituriyentlərin sayı, həmin ixtisas üzrə plan yerləri və abituriyentlərin imtahan nəticələrindən asılı olaraq formalaşır.

Ayrı-ayrı ixtisaslar üzrə keçid ballarının bu il hansı səviyyədə formalaşacağı barədə müsabiqədən əvvəl dəqiq məlumat vermək mümkün deyil.
Abituriyentlərin ixtisas seçimi zamanı müsabiqə vəziyyəti yüksək və aşağı olan ixtisaslar haqqında ümumi məlumat əldə edib, təxmini istiqamət götürə bilmələri üçün DİM tərəfindən əvvəlki illərin keçid balları dərc olunur. Lakin bəzi abituriyentlər belə düşünürlər ki, ayrı-ayrı ixtisaslar üzrə əvvəlki ilin keçid balları növbəti ildə eynilə təkrarlanır. Bu, birtərəfli yanaşmadır, ona görə ki, keçid balı ildən-ilə ya azalmağa, ya da artmağa doğru dəyişə bilər.    

Xüsusi təyinatlı ali təhsil müəssisəsini seçən abituriyentlər (həmin ali təhsil müəssisəsinin təşkil etdiyi yoxlamalardan uğurla keçdiyi təqdirdə) ixtisas seçimi zamanı bu ali təhsil müəssisəsinin ixtisası ilə yanaşı, mülki ali təhsil müəssisələrinin ixtisaslarını da seçə bilərlər. Lakin yadda saxlamaq lazımdır ki, hər hansı xüsusi təyinatlı ali təhsil müəssisəsini seçən abituriyent, ilk növbədə bu ali təhsil müəssisəsinin ixtisası üzrə müsabiqədə iştirak edir. Xüsusi təyinatlı ali təhsil müəssisəsinə qəbul olunan abituriyent digər ali təhsil müəssisələrinin müsabiqəsinə buraxılmır.    

Bəli, sizin ali təhsil müəssisəsində dövlət hesabına təhsil almaq hüququnuz var. Siz yenidən dövlət hesabına orta ixtisas təhsili ala bilməzsiniz.    

Səfərbərlik və Hərbi Xidmətə Çağırış üzrə Dövlət Xidmətinin müvafiq təlimatınsa əsasən, iyul ayının 30-dək 18 yaşı tamam olmuş gənclərin hərbi sənədlərində çağırışdan möhlət haqqında Xidmətin müvafiq qeydiyyatı və möhlət haqqında arayışı olmalıdır. Oğlunuz yalnız bu halda qəbul imtahanlarında iştirak etmək üçün sənəd verə bilər.    

Xüsusi təyinatlı təhsil müəssisələrinə, o cümlədən Polis Akademiyasına qəbul iki mərhələdə aparılır. Birinci mərhələdə abituriyentlər tələb olunan sənədləri təqdim etdikdən sonra həmin təhsil müəssisəsində təşkil olunmuş həkim və seçim komissiyalarından keçməli, sonrakı mərhələdə isə müəyyən edilmiş fənlərdən Dövlət İmtahan Mərkəzi tərəfindən keçirilən test imtahanı verməlidirlər.

İkinci ali təhsil almaq istəyən abituriyentlər ümumi qaydada DİM-in keçirdiyi qəbul imtahanlarında iştirak etməlidirlər. Belə abituriyentlər qəbul elanında qeyd olunan sənədlərlə yanaşı Sənəd Qəbulu Komissiyasına ali təhsil haqqında sənədi (əslini), ali təhsilinin dövlət hesabına olub-olmaması barədə təhsil aldığı müəssisə tərəfindən verilən arayışı, attestatın əslini və ya məzunu olduğu təhsil müəssisəsi tərəfindən verilən attestat qiymətləri göstərilən arayışı təqdim etməlidirlər.

Təbii ki, hər iki imtahan üçün test tapşırıqları vahid texniki tapşırıq əsasında hazırlanacaq və onların çətinlik dərəcəsi eyni olacaq.

Ali təhsil müəssisələrinin I-IV ixtisas qrupları üzrə qəbul imtahanlarında çoxseçimli (qapalı) tipli tapşırıqlarla bərabər, açıq tipli test tapşırıqlarından da istifadə edilir. Qəbul imtahanlarında hər ixtisas qrupunda 3 fəndən hər birində 4 açıq tipli test tapşırığından istifadə olunması nəzərdə tutulur. Belə tapşırıqlar I qrupda riyaziyyat, fizika, kimya; II qrupda riyaziyyat, coğrafiya, ana dili; III qrupda riyaziyyat, tarix, ana dili; IV qrupda isə riyaziyyat, kimya, biologiya fənləri üzrə təqdim olunur.

Ali təhsil müəssisələrinin xüsusi qabiliyyət tələb edən ixtisasları (I ixtisas qrupuna daxil olan “Memarlıq” ixtisası istisna olmaqla) V ixtisas qrupuna daxildir.
Tam orta (11-illik) təhsil səviyyəsini Azərbaycan Respublikasının ümumtəhsil müəssisələrində cari ildə bitirən abituriyentlər V ixtisas qrupu üzrə ayrıca qəbul imtahanı vermirlər və müsabiqədə buraxılış imtahanından Azərbaycan (rus) dili, riyaziyyat və xarici dil ( xarici dil keçməyən abituriyentlər kimyadan) fənlərindən əldə etdikləri nəticələr əsasında iştirak edirlər.
Tam orta təhsil səviyyəsini əvvəlki illərdə və ya xarici ölkələrdə bitirən abituriyentlər V ixtisas qrupu üzrə müsabiqədə iştirak etmək istəyirlərsə, o zaman buraxılış imtahanı keçirilən qaydada Azərbaycan (rus) dili, riyaziyyat və xarici dil ( xarici dil keçməyən abituriyentlər kimyadan) fənləri üzrə qəbul imtahanı verməli və müsabiqədə bu imtahandan əldə etdikləri nəticələr əsasında iştirak etməlidirlər.

Ali məktəblərin I, II və III ixtisas qrupları üzrə sənəd verən abituriyentlər orta məktəbdə hansı xarici dili keçməsindən asılı olmayaraq qəbul elanında göstərilən bu və ya digər xarici dildən imtahan verə bilər. Bir şərtlə ki, abituriyent ərizə formasını doldurarkən orada imtahan vermək istədiyi xarici dili qeyd etmiş olsun.
Ali məktəblərin V ixtisas qrupu üzrə sənəd verən abituriyentlər:
- orta məktəbi cari ildə bitirdikləri təqdirdə - müsabiqədə buraxılış imtahanının nəticəsi əsasında iştirak etdiklərinə görə orta məktəbdə hansı xarici dil tədris olunursa həmin dil üzrə də buraxılış (qəbul) imtahanı verirlər;
- orta məktəbi əvvəlki illərdə bitirdikləri təqdirdə - orta məktəbdə hansı xarici dili keçməsindən asılı olmayaraq qəbul elanında göstərilən bu və ya digər xarici dildən imtahan verə bilər. Bir şərtlə ki, abituriyent ərizə formasını doldurarkən orada imtahan vermək istədiyi xarici dili qeyd etmiş olsun.

Elektron ərizə doldurarkən qeyd etdiyiniz diplomlarınızın yalnız birindən istifadə edə bilərsiniz. Magistr ixtisaslaşmalarının seçimi zamanı həmin ixtisas¬laş¬maların bakalavr ixtisasına uyğunluğu əsas götürüldüyündən Siz də hansı sahədə magistr təhsili alacaqsınızsa, elektron ərizənizi doldurarkən həmin sahəyə aid diplomunuzdakı məlumatları daxil etməlisiniz.    

Qəbul imtahanının hər iki mərhələsində ayrı-ayrılıqda qapalı və açıq formalı test tapşırıqlarına verilən düzgün cavabların sayına görə hər hansı bal məhdudiyyəti tətbiq olunmur. Bal məhdudiyyəti birinci mərhələdə hər bir fənn üzrə ayrılıqda və ümumilikdə birinci mərhələ üzrə toplanılan bala, ikinci mərhələdə isə buradakı fənlərin sayından asılı olmayaraq bütün test blokuna tətbiq olunur.    

Tədrisi ingilis dilində olan iqtisadiyyatyönümlü ixtisaslaşmalar üzrə plan yerləri həm 26 saylı, həm də 56 saylı proqram daxilində təqdim oluna bilər. Bu haqda dəqiq məlumatı plan yerləri DİM-ə daxil olduqdan sonra öyrənə bilərsiniz. Tədrisi ingilis dilində olan ixtisaslaşmalara qəbul olmaq istəyən bakalavrlar imtahanın birinci mərhələsində xarici dil kimi mütləq ingilis dilini seçməlidirlər. Bakalavrlar bu ixtisaslaşmalar üzrə ödənişli yerlərin müsabiqəsində iştirak etmək üçün imtahanın birinci mərhələsində xarici dildən ən azı 15, dövlət sifarişli yerlərin müsabiqəsində iştirak etmək üçün isə 20 bal toplamalıdırlar.      

Qəbul imtahanının birinci mərhələsi Bakı, Gəncə, Mingəçevir, Lənkəran və Naxçıvan şəhərlərində, ikinci mərhələsi isə Bakı, Gəncə və Naxçıvan şəhərlərində keçiriləcəkdir. Bakalavrın imtahan verəcəyi şəhərin seçimi onun faktiki yaşadığı ünvana, əgər elektron ərizədə faktiki yaşadığı ünvan göstərilməyibsə, qeydiyyatda olduğu ünvana görə müəyyən edilir. Odur ki, faktiki yaşadığı ünvanı qeydiyyatda olduğu ünvandan fərqli olan bakalavrlar elektron ərizələrində faktiki yaşadıqları ünvanı mütləq göstərməlidirlər.

“Hərbi vəzifə və hərbi xidmət haqqında” qanununa edilmiş dəyişikliyə əsasən, magistraturada əyani təhsil alanlara təhsillərini bitirənədək hərbi xidmətdən möhlət hüququ verilir. Hal-hazırda magistratura səviyyəsinə yalnız əyani təhsilalma forması üzrə qəbul aparılır.    

Ali təhsil müəssisələrinin sonuncu kursunda təhsil alanlar bütün hallarda sənədlərini təqdim edib imtahanın birinci mərhələsində iştirak edə bilərlər. Ancaq hər iki mərhələnin müsabiqə şərtini ödəyərək müsabiqədən keçən bakalavlar qəbul olduqları ali təhsil müəssisəsində qeydiyyatdan keçənə qədər akademik borclarını ləğv etməlidirlər. Əks halda, həmin bakalavrlar qeydiyyatdan keçə bilməyəcəklər. Bu isə onların yerləşdirildikləri ixtisaslaşma üzrə təhsil almaqdan imtina etməsi kimi qiymətləndirilir və boş qalmış həmin yerlər üçün yenidən müsabiqə elan edilir.    

MBA proqramı da daxil olmaqla ödənişli yerlərə qəbul olan məcburi köçkünlər və ya onlara bərabər tutulan şəxslər təhsil haqqının ödənilməsi ilə bağlı məlumatı Qaçqınların və Məcburi Köçkünlərin İşləri üzrə Dövlət Komitəsinə müraciət etməklə öyrənə bilərlər.    

Bakalavrlar yalnız imtahan verdikləri proqram üzrə boş qalan plan yerlərinin müsabiqəsində iştirak edə bilərlər.

Azərbaycan Respublikası Nazirlər Kabinetinin 2010-cu il 25 iyun tarixli 119 nömrəli qərarına əsasən, ali təhsil müəssisələrinə müsabiqədənkənar qəbul olmağa əsas verən dünya fənn olimpiadalarının, yüksək səviyyəli beynəlxalq müsabiqələrin və yarışların siyahısı müəyyən edilmişdir. Əgər bu qərarda əks olunan beynəlxalq müsabiqələrin birində mükafata layiq yer tutmusunuzsa, Siz də bu hüquqdan istifadə edə bilərsiniz.    

Magistratura səviyyəsinə qəbul prosesində AMEA-nın müxtəlif ixtisaslaşmalarına qəbul üçün keçirilən müsahibənin nəticələri ancaq həmin elmi təşkilata qəbul zamanı nəzərə alınır. Həmin müsahibədən “məqbul” və ya “qeyri məqbul” qiymət alan bakalavrların digər ali təhsil müəssisələrindən ixtisaslaşma seçmələrinə hər hansı məhdudiyyət tətbiq edilmir.

Qəbul qaydalarına əsasən, magistratura səviyyəsinə qəbul olmaq istəyən şəxslər üçün yaş məhdudiyyəti müəyyən edilməmişdir. O cümlədən, bir şəxsin neçə dəfə magistr təhsili almasına da məhdudiyyət tətbiq olunmur. Məhdudiyyət yalnız dövlət sifarişi əsasında ödənişsiz təhsil almaq hüququ ilə bağlıdır. Vətəndaşlar təhsil səviyyələrinin hər birində dövlət sifarişi əsasında təhsil almaq hüququndan yalnız bir dəfə istifadə edə bilərlər.

Əmək fəaliyyəti ilə məşğul olan bakalavrların magistraturaya ərizə verməsinə və imtahanda iştirak edib magistraturaya qəbul olmasına DİM tərəfindən hər hansı bir maneə yoxdur. Ancaq magistraturauya qəbul olduqdan sonra qeyd etdiyiniz məsələ DİM tərəfindən deyil, Sizi işə götürən qurumla təhsil alacağınız ali təhsil müəssisəsi tərəfindən əmək qanunvericiliyi və digər normativ-hüquqi aktlara görə tənzimlənməlidir.    

Bakalavrlara imtahan verəcəkləri dili seçmək hüququ yalnız imtahanın birinci mərhələsindən əvvəl elektron ərizə doldurularkən verilir. İmtahanın hər iki mərhələsi də həmin dildə verilməlidir.    

Qəbul qaydalarına görə, rus bölməsini bitirib ingilis filologiyası ixtisaslaşmasını seçənlər birinci mərhələdə xarici dil kimi yalnız alman və ya fransız dillərini seçə bilərlər. Əgər Siz Azərbaycan bölməsində təhsil almaq istəsəniz, imtahanı Azərbaycan dilində verməklə rus dilini xarici dil kimi seçə bilərsiniz.

Azərbaycan Respublikası Tarif (qiymət) Şurasının “Azərbaycan Respublikasının Dövlət İmtahan Mərkəzi tərəfindən göstərilən xidmətlərin tariflərinin tənzimlənməsi barədə” 2017-ci il 6 mart tarixli 3 nömrəli qərarı ilə təsdiq edilmiş “Tələbə qəbulu ilə bağlı ödənişli xidmətlərin tarifləri”nə əsasən, ali təhsil müəssisələrinin və Azərbaycan Milli Elmlər Akademiyasının magistratura səviyyəsinə tələbə qəbulu ilə bağlı imtahanın I mərhələsində iştirak etmək üçün 50 manat, II mərhələsində iştirak etmək üçün 60 manat, xüsusi qabiliyyət tələb edən ixtisaslara qəbul üzrə qabiliyyət imtahanında iştirak etmək üçün isə 30 manat məbləğində (ƏDV-siz) ödəniş müəyyənləşdirilmişdir. 

İxtisas fənləri üzrə biliklərin qiymətləndirilməsi imtahanına buraxılmış namizədlər tələb olunan məbləği “Şəxsi kabinet”lərinin hesabına əlavə edib DİM tərəfindən müəyyən edilən müddətdə qeydiyyatdan keçməlidirlər. Qeydiyyatdan keçməyən namizədlər imtahana buraxılmırlar.

Siz müsabiqədə iştirak etmək üçün Dövlət İmtahan Mərkəzi (DİM) tərəfindən müəyyən edilmiş müddətdə Mərkəzin rəsmi internet saytında “Namizədin elektron ərizəsi”ni doldurmalı və tələb olunan sənədləri (tələb olunan sənədlərin siyahısı “Rezidentura” jurnalının 2-ci nömrəsində ərizə qəbulu elanında dərc olunur) DİM-də yaradılmış Sənəd Qəbulu Komissiyasına şəxsən təqdim etməklə ərizənizi təsdiq etdirməlisiniz.

Xeyr, namizədin hər bir test tapşırığına düzgün cavabı 1 (bir) balla qiymətləndirilir və səhv cavablar namizədin imtahan nəticəsinə (yekun balına) təsir göstərmir.

Azərbaycan Respublikası Tarif (qiymət) Şurasının “Azərbaycan Respublikasının Dövlət İmtahan Mərkəzi tərəfindən göstərilən xidmətlərin tariflərinin tənzimlənməsi barədə” 2017-ci il 6 mart tarixli 3 nömrəli qərarı ilə təsdiq edilmiş “Tələbə qəbulu ilə bağlı ödənişli xidmətlərin tarifləri”nə əsasən, rezidenturaya qəbul imtahanın I mərhələsində (baza fənləri üzrə biliklərin qiymətləndirilməsi) iştirak etmək üçün 60 (altmış) manat, II mərhələsində (ixtisas fənləri üzrə biliklərin qiymətləndirilməsi) iştirak etmək üçün isə 100 (yüz) manat məbləğində (ƏDV-siz) ödəniş müəyyənləşdirilmişdir.

Fəaliyyəti dayandırılmış ali təhsil müəssisələri tərəfindən Sizə verilməli olan hər hansı bir məlumatı əldə etmək üçün Azərbaycan Respublikası Təhsil Nazirliyinə müraciət etməlisiniz.

Rezidenturaya qəbul olmaq istəyən şəxslər üçün yaş məhdudiyyəti müəyyən edilməmişdir.

İxtisas seçiminə görə namizədlərin özləri məsuliyyət daşıdığı üçün DİM tərəfindən tövsiyə xarakterli hər hansı metodiki vəsait hazırlanmır. Lakin “Rezidentura” jurnalının 3-cü sayında namizədlərə ixtisas seçimini necə etmək haqqında məsləhət xarakterli məqalə və ötən il üçün rezidenturaya qəbul müsabiqəsində klinik bazaların ixtisasları üzrə formalaşmış keçid ballarını özündə əks etdirən material dərc edilir.

DİM-də rezidenturaya qəbul proqramları üzrə “İnsan anatomiyası” və “Bioloji kimya” fənlərindən vəsait, eləcə də “Baza fənləri üzrə test toplusu” adlı məcmuə hazırlanaraq imtahanlara müstəqil hazırlaşmaq istəyənlərə təqdim edilmişdir. Bu istiqamətdə işlər davam etdirilir.

Ümumi balı eyni olan iki və daha çox namizədi bir-birindən fərqləndirmək mümkün olmadıqda onların hamısı müvafiq ixtisasa yerləşdirilir.

• baza ali tibb təhsili üzrə ümumi orta müvəffəqiyyət göstəricisi (ÜOMG);
• ixtisas fənləri üzrə biliklərin qiymətləndirilməsi imtahanından toplanılan bal.

Qəbul imtahanlarında (baza və ixtisas fənləri üzrə biliklərin qiymətləndirilməsi) ayrı-ayrılıqda qapalı və açıq formalı test tapşırıqlarına verilən düzgün cavabların sayına görə hər hansı bal məhdudiyyəti tətbiq olunmur. Müsabiqəyə baza fənləri üzrə biliklərin qiymətləndirilməsi imtahanında topladığı balı 40-dan, ixtisas fənləri üzrə biliklərin qiymətləndirilməsi imtahanında isə 50-dən, ümumi balı 90-dan az olmayan namizədlər buraxılırlar.

Rezidenturaya aparılan müsabiqədə iştirak edib qəbul olan namizədlər boş qalan yerlər üzrə müsabiqədə iştirak edə bilməzlər.

Xeyr, hər bir namizəd yalnız bitirdiyi istiqamətə (fakültəyə) müvafiq ixtisasları seçə bilər.

Qəbul qaydalarına əsasən rezidenturada təhsil alan şəxslər rezidenturaya qəbul imtahanında iştirak edə bilməzlər.

Baza ali tibb təhsili olan hər bir şəxs rezidenturaya qəbulda iştirak edə bilər.

Hərbi tibb fakültəsinin məzunları rezidenturaya sənəd verərkən zabitin şəxsi vəsiqəsindən istifadə edə bilərlər. Bunun üçün onlar  ATU-nun Hərbi tibb fakültəsinə müraciət etməlidirlər.

Xeyr, Azərbaycan Respublikasının vətəndaşları yalnız müsabiqə yolu ilə rezidenturaya qəbul ola bilərlər.

Rezidenturaya qəbul qaydalarının 2.1. və 2.2. bəndlərinə (Bax: “Rezidentura” jurnalı №1) müvafiq olaraq xarici ölkələrdə ali tibb təhsili almış şəxslər rezidenturaya qəbul üçün tələb olunan sənədləri mütləq təqdim etməlidirlər.

Əcnəbilər, vətəndaşlığı olmayanlar və xarici ölkələrdə baza ali tibb təhsili almış Azərbaycan Respublikasının vətəndaşları, eləcə də baza ali tibb təhsili olan Azərbaycan Respublikasının vətəndaşları üçün rezidenturaya qəbul imtahanı və müsabiqə eyni vaxtda keçirilir.

Rezidenturanı bitirmiş şəxslər digər bir ixtisas əldə etmək üçün yenidən rezidenturaya qəbul ola bilərlər. Lakin bu halda rezidenturada təhsil “Təhsil haqqında qanun”a müvafiq olaraq ödənişli əsaslarla həyata keçirilir. Bu zaman əvvəlki rezidentura diplomu qüvvədə qalır.

Yoluxucu xəstəliklər” ixtisası üzrə ayrılan plan yerlərinə müsabiqə bütün istiqamətlər üzrə birgə aparılır. Başqa sözlə, qəbul planı hər fakültə üzrə ayrılıqda deyil, bütün fakültələr üzrə birgə təqdim olunur. “Rezidentura” jurnalının 3-cü sayında plan yerləri cədvəli təqdim olunarkən birgə müsabiqə aparılan ixtisaslar “*-la (ulduzla)” işarələnir.

Müxtəlif xəstəxana və ya tibb müəssisələrində çalışan həkimlər rezidenturaya qəbul üçün ərizə verə bilər. Ərizə vermək və imtahanlarda iştirak etmək üçün tutduğunuz vəzifədən azad olunmanız tələb olunmur. Lakin rezidenturaya qəbul olduqdan sonra, tədris başlayana qədər tutduğunuz vəzifədən azad olunmalısınız.

Rezidenturaya qəbul olunmaq hüququna Azərbaycan Respublikasında baza (əsas) ali tibb təhsili almış şəxslər, yaxud ali tibb sahəsində müəyyən edilmiş qaydada ixtisası nostrifikasiya edilmiş xarici ölkələrdə təhsil almış şəxslər malikdirlər.

Boş qalan yerlər üzrə ixtisas seçimində yalnız müsabiqə şərtini ödəmiş, lakin müsabiqədən keçməmiş namizədlər iştirak edə bilər. Rezidenturaya qəbul olmuş, lakin müəyyən olunmuş müddətdə qeydiyyatdan keçməmiş namizədlər boş qalan yerlər üzrə keçirilən müsabiqəyə buraxılmırlar.

Rezidenturaya qəbul qaydalarına əsasən hər hansı bir ixtisasa yerləşdirilmiş namizəd tələb olunan sənədlərin əslini Mərkəz tərəfindən müəyyən edilən 10 günədək müddətdə qəbul olduğu tibb müəssisəsinin tabe olduğu müvafiq quruma şəxsən təqdim etməklə qeydiyyatdan keçməlidir.

Xeyr, yeni şəxsiyyət vəsiqəsi ilə imtahanda iştirak edə bilməzsiniz. Əgər şəxsiyyət vəsiqənizi dəyişmisinizsə, imtahan gününə qədər “Şəxsi kabinet”inizdə “Sənədi yenilə” düyməsindən istifadə etməklə özünüz düzəliş etməlisiniz, yaxud da yeni şəxsiyyət vəsiqəniz və onun surəti ilə DİM-ə müraciət edərək müvafiq düzəliş etdirməlisiniz. Bundan sonra “İmtahana buraxılış vərəqəsi”ni yenidən çap etməlisiniz.

Parolunuzu unutmuşsunuzsa, “Namizədin elektron ərizəsi” səhifəsində olan “İstifadəçi adı və parolu unutmuşam” və ya “Şəxsi kabinet”inizə daxil olaraq “Parolu unutmuşam” düyməsindən istifadə etməklə onu əldə edə bilərsiniz.

Baza ali tibb təhsili olan hər bir namizəd öz istiqamətinə (fakültəsinə) uyğun istədiyi ixtisasları və klinik bazaları seçə bilər.

2019-cu ildə tam (11 illik) orta təhsil səviyyəsində buraxılış imtahanları yenə də üç fənn: tədris dili, riyaziyyat və xarici dil üzrə bir mərhələdə keçiriləcək. Lakin şagirdlərin bilik və bacarıqları artıq yeni təhsil proqramları (kurikulum) əsasında tərtib olunmuş açıq və qapalı tipli tapşırıqlardan istifadə olunmaqla qiymətləndiriləcək.

2019-cu ildən etibarən ümumi (9 illik) orta təhsil bazasında ümumtəhsil müəssisələrində buraxılış imtahanları yenə də iki mərhələdə, lakin 3 fənn üzrə keçiriləcək. Hər iki mərhələdə şagirdlərin bilikləri tədris dili, riyaziyyat və xarici dil fənləri üzrə qiymətləndiriləcəkdir. Birinci mərhələdə tədris dili üzrə şagirdlərin oxuyub-anlama və yazı bacarıqlarını yoxlamaq məqsədilə açıq və qapalı tipli tapşırıqlardan, yazı işlərindən, riyazi bacarıqları yoxlamaq məqsədilə açıq tipli tapşırıqlardan, xarici dil üzrə oxuyub-anlama, dinləyib-anlama və yazı bacarıqlarını yoxlamaq məqsədilə açıq və qapalı tipli tapşırıqlardan, yazı işlərindən istifadə ediləcək. İkinci mərhələdə isə hər bir fənn üzrə qapalı tipli test tapşırıqlarından istifadə olunacaq.

2018-ci ildə IX və XI siniflər üzrə buraxılış imtahanlarında hər hansı dəyişiklik nəzərdə tutulmur və bu imtahanlar ötən ilki qaydada həyata keçiriləcək .

-IX sinif üzrə buraxılış imtahanı ana dili (Azərbaycan bölməsinin şagirdləri üçün - Azərbaycan dili, rus bölməsinin şagirdləri üçün - rus dili) və riyaziyyat fənlərindən iki mərhələdə keçirilir. Birinci mərhələdə şagirdlərə ana dili (Azərbaycan və ya rus dili) fənindən oxuyub-anlama və yazı bacarıqlarını yoxlamaq məqsədilə 2 mətn əsasında 10 açıq, 10 qapalı, riyaziyyat fənnindən riyazi bacarıqları yoxlamaq məqsədilə 10 açıq, ümumilikdə 30 test tapşırığı təqdim edilir. İkinci mərhələdə digər məzmun standartları üzrə bilik və bacarıqları yoxlamaq məqsədilə hər bir fənn üzrə 30, ümumilikdə 60 qapalı tipli test tapşırığı təqdim edilir. Azərbaycan və rus dilləri istisna olmaqla, tədris digər dillərdə aparılan ümumi təhsil müəssisələrində təhsil alan IX sinif şagirdləri buraxılış imtahanını yalnız riyaziyyat fənnindən verirlər. Onlara birinci mərhələdə 10 açıq, ikinci mərhələdə 30 qapalı test tapşırığı təqdim edilir.    

Bəli, buraxılış imtahanında göstərdiyi nəticədən asılı olmayaraq şagirdlərə attestat verilir və onlar təhsillərini X sinifdə davam edə bilirlər.    

XI sinif üzrə buraxılış imtahanı tədris Azərbaycan dilində aparılan ümumi təhsil müəssisələrində təhsil alan şagirdlər üçün - Azərbaycan dili, riyaziyyat və xarici dil fənləri üzrə, tədris rus dilində aparılan ümumi təhsil müəssisələrində təhsil alan şagirdlər üçün - rus dili, riyaziyyat və xarici dil fənləri üzrə keçirilir. Xarici dil fənni tədris edilməyən ümumi təhsil müəssisələrinin şagirdləri buraxılış imtahanını xarici dil fənninin əvəzinə kimya fənnindən verirlər. Şagirdlərə hər bir fənn üzrə 30, ümumilikdə 90 qapalı tipli test tapşırığı təqdim edilir. Azərbaycan və rus dilləri istisna olmaqla, tədris digər dillərdə aparılan ümumi təhsil müəssisələrində təhsil alan şagirdlər tam orta təhsil səviyyəsi üzrə buraxılış imtahanını yalnız riyaziyyat və xarici dil fənlərindən verirlər.    

Bəli, buraxılış imtahanından “2” alan XI sinif şagirdlərinə də attestat verilir və onlar ali təhsil almaq üçün I,II,III və IV qruplar üzrə qəbul imtahanında iştirak edə bilirlər.    

Xeyr, istər IX , istərsə də XI siniflər üzrə buraxılış imtahanında şagirdin səhv cavabları doğru cavablarının nəticəsinə təsir etmir.    

Hələ ki, monitorinq imtahanlarının nəticələrinin buraxılış imtahanlarının nəticəsinə və attestat qiymətinə heç bir təsiri olmayacaq.    

IX sinif üzrə buraxılış imtahanının birinci mərhələsində şagirdlər, təqdim edilmiş mövzulardan birini seçməklə, könüllülük əsasında inşa (esse) yazırlar. Ümumi orta təhsil haqqında fərqlənmə attestatı almaq istəyən şagirdlər üçün inşa (esse) yazmaq məcburidir.    

Xeyr, 11 illik təhsil səviyyəsi üzrə eksternat qaydasında yekun qiymətləndirməyə (attestasiyaya) yalnız 9 illik təhsil səviyyəsini başa vurmuş şəxslər buraxılırlar.

Ümumi (9 illik) orta  təhsil səviyyəsini əvvəlki illərdə Azərbaycanda bitirən və ya xaricdə yerləşən təhsil müəssisələrini cari və əvvəlki illərdə bitirən abituriyentlər ümumi (9 illik) orta təhsil bazasında orta ixtisas təhsili müəssisələrinin (kolleclərin) müsabiqəsində iştirak etmək üçün Azərbaycan (rus) dili və riyaziyyat fənlərindən iki mərhələdə qəbul imtahanı verməlidirlər. Qeyd edək ki, 2018-ci ildən etibarən rus  bölməsinin abituriyentləri ümumi (9 illik) orta təhsil bazasında kolleclərə qəbul olmaq üçün Azərbaycan dili fənnindən də imtahan verməlidirlər.

• şəhadətnaməyə "Azərbaycan dili" (təlim Azərbaycan dilində olan məktəblərdə), "Rus dili" (təlim rus dilində olan məktəblərdə), “Gürcü dili” (təlim gürcü dilində olan məktəblərdə), “Ədəbiyyat”, "Xarici dil", "Riyaziyyat", "Azərbaycan tarixi", "Ümumi tarix", "Fizika", "Kimya","Biologiya", "Coğrafiya" fənləri üzrə yazılmış yekun qiymətlərin ədədi ortası; 
• qəbul (buraxılış) imtahanında ana dili fənni üzrə toplanılan balın miqdarı. 

• Orta məktəblərin cari il məzunları - müsabiqədə buraxılış imtahanının nəticəsi əsasında iştirak etdiklərinə görə orta məktəbdə hansı xarici dil tədris olunursa həmin dil üzrə də buraxılış (qəbul) imtahanı verirlər;
• Orta məktəbləri əvvəlki illərdə bitirən məzunlar - orta məktəbdə hansı xarici dili keçməsindən asılı olmayaraq qəbul elanında göstərilən bu və ya digər xarici dildən imtahan verə bilər. Bir şərtlə ki, abituriyent ərizə formasını doldurarkən orada imtahan vermək istədiyi xarici dili qeyd etmiş olsun.

• orta məktəbi cari ildə bitirdikləri təqdirdə müsabiqədə buraxılış imtahanının nəticəsi əsasında iştirak etdiklərinə görə orta məktəbi hansı bölmə üzrə bitirirlərsə həmin bölmə üzrə də buraxılış imtahanı verir və həmin bölmə (Azərbaycan və ya rus) üzrə də kolleclərin ixtisas seçimində iştirak edirlər;
• orta məktəbi əvvəlki illərdə bitirdikləri təqdirdə - orta məktəbdə hansı dildə təhsil almasından asılı olmayaraq kolleclərə sənəd verərkən istədiyi bölməni (imtahan verəcəyi dili) - Azərbaycan və ya rus, seçə bilər. Bu zaman onlar seçdiyi bölmədə qəbul imtahanlarında iştirak etməli və ixtisas seçimi ərizəsində həmin bölməyə aid olan ixtisasların kodlarını qeyd etməlidirlər;
• cari ilin məzunları - təlim ingilis və ya gürcü dilində olan məktəblərin məzunları - orta ixtisas təhsili müəssisələrinə qəbul olmaq üçün ərizə təqdim etdikləri halda buraxılış imtahanında riyaziyyat (11-ci siniflər – riyaziyyat və xarici dil) fənni ilə yanaşı ərizədə qeyd etdikləri bölməyə uyğun olaraq Azərbaycan dili və ya rus dili fənnindən də imtahan verirlər. 

Xeyr, peşə liseyini cari ildə bitirən və buraxılış imtahanında iştirak edən lisey məzunları da kolleclərin və V qrup üzrə ali təhsil müəssisələrinin müsabiqəsində 11-ci sinfi cari ildə bitirənlərlə eyni qaydada – buraxılış imtahanının nəticələri əsasında iştirak edirlər.

Ümumi orta (9-illik) təhsil səviyyəsini Azərbaycan Respublikasının ümumi təhsil müəssisələrində cari ildə bitirən abituriyentlər kolleclərə ayrıca qəbul imtahanı vermirlər və müsabiqədə buraxılış imtahanında ana dili və riyaziyyat fənlərindən əldə etdikləri nəticələr əsasında iştirak edirlər. 
Tam orta (11-illik) təhsil səviyyəsini Azərbaycan Respublikasının ümumi təhsil müəssisələrində cari ildə bitirən abituriyentlər də kolleclərə ayrıca qəbul imtahanı vermirlər və müsabiqədə buraxılış imtahanında ana dili, riyaziyyat və xarici dil fənlərindən əldə etdikləri nəticələr əsasında iştirak edirlər. 
Həm cari ilin, həm əvvəlki illərin məzunları ərizə qəbulunda iştirak etməlidirlər. Ərizə qəbulunun vaxtı haqqında məlumat saytda yerləşdirilmişdir (bax. “İmtahanların və tədbirlərin tarixləri”). 

Yeni istifadəçi kimi qeydiyyatdan keçdikdən sonra növbəti açılan səhifədə balans haqqında məlumat, sinaq imtahanına yazılmaq üçün “Buradan yazılın”, balansı artırmaq üçün“Balansınızı artırın” və ödəmə kartlarından istifadəsı barədə məlumata baxmaq üçün “Burada baxa bilərsiniz” linkləri yerləşir.

Sinaq imtahanına yazılmaq üçün “Buradan yazılın” linkinə basmaq lazımdır. Ekrandakı səhifədə keçiriləcək imtahanların siyahısını və hər bir binada Azərbaycan və rus bölmələri üzrə boş oturacaq yerlərinin sayını əks etdirən cədvəl göstərilir. İstədiyiniz imtahan binasını, tarix və saatı secin. Növbəti səhifədə imtahana yazılan şəxsin şəxsiyyət vəsiqəsinin nömrəsini və PİN-kodunu müvafiq sahələrə daxil edin. Bölməni, ixtisas qrupunu və xarici dili müvafiq menyulardan seçin. Telefon nömrənizi də daxil edin. Məlumatların düzgünlüyünü bir daha diqqətlə yoxladıqdan sonra “Qeydə al” düyməsini basın. Ekranda ‘İmtahana buraxılış vərəqəsi’ görsənəcək. Onu mütləq çap etmək və özünüzlə imtahan zalına gətirmək tələb olunur.

İstənilən vaxt lazım bildiyiniz qədər yeni ödəmə kartı əldə edib, balansınızı artıra bilərsiniz.

İstifadəçi ödəmə kartlarından istifadə tarixcəsinə baxa və balansına yüklədiyi məbləğin necə xərclənməsinə nəzarət edə bilər. Bunun üçün “buradan baxa bilərsiniz” düyməsinə basmaq lazımdır. Ekrana istifadəçinin sınaq imtahanlarına yazılış tarixçəsini əks etdirən cədvəl çıxır. İmtahana buraxılış vərəqəsinə baxmaq və ya çap etmək istəyirsinizsə, cədvəlin müvafiq sətirindəki iş nömrəsi linkinə basın.

Sınaq imtahanına yazılış yalnız şəxsiyyət vəsiqəsi ilə mümkündür. Müvafiq qanunvericiliyə əsasən bütün vətəndaşlar şəxsiyyət vəsiqəsi (16 yaşı tamam olmayanlar şəkilsiz şəxsiyyət vəsiqəsi) ala bilərlər .

Sınaq imtahanlarında iştirak etmək üçün qeydiyyat şəxsiyyət vəsiqəsindən istifadə etməklə internet vasitəsilə aparılır. Xarici ölkə vətəndaşları Azərbaycan Respublikasında daimi və ya müvəqqəti yaşamaq üçün Azərbaycan Respublikasının Dövlət Miqrasiya Xidməti tərəfindən verilən MYİ və ya DYİ seriyalı icazə vəsiqəsindən istifadə etməklə sınaq imtahanına yazıla bilərlər. 

“ADA” Universitetinin bakalavriat səviyyəsinə qəbul iki yolla aparılır: 
1. DİM-in keçirdiyi qəbul imtahanlarının nəticələri vasitəsilə; 
2. Beynəlxalq SAT imtahanı nəticəsi vasitəsilə. 

SAT imtahanının nəticəsi ilə müraciət edənlər üçün müəyyən olunmuş tələblər (son tarix 14 iyun 2018-ci ildir):
ərizə qəbulu müddətində (aprel ayının 30-dək) “Abituriyentin elektron ərizəsi”ni ümumi qaydada təsdiq etdikdən sonra ərizənin surətini və SAT imtahanı balı haqqında məlumatı iyun ayının 14-ə qədər DİM-ə təqdim etmək; 

• SAT imtahanı nəticələrini elektron şəkildə College Board saytında (https://www.collegeboard.org) Dövlət İmtahan Mərkəzinə (kod 7876) və “ADA” Universitetinə (kod 7799) göndərmək;
• “ADA” Universitetinin elektron ərizə formasını doldurmaq. Elektron ərizə forması üçün keçid: www.ada.edu.az/apply;
• IELTS və ya TOEFL imtahanının nəticəsini "ADA"-nın elektron ərizə formasına yükləmək (nəticələrin göndərilməsi üçün kod 2093). Qəbul üçün minimum bal tələbi qoyulmur;
• Azərbaycanda yerləşən ümumtəhsil məktəblərinin rus, ingilis və ya gürcü bölmələrini cari ildə bitirən, eləcə də ümumtəhsil məktəbini əvvəlki illərdə və ya xaricdə bitirən abituriyentlər “Azərbaycan dili” fənni üzrə qəbul imtahanında iştirak edərək “məqbul” qiyməti almalıdırlar. Bunun üçün onlar aprelin 10-dək dim.gov.az saytında “Abituriyentin elektron ərizəsi” formasını doldurarkən "test imtahanı verəcəyi dil" bölməsində rus dilini seçməlidirlər. “Azərbaycan dili” fənni üzrə keçiriləcək imtahanın tarixləri DİM-in saytında yerləşdirilmişdir. 2017-cı ildə Azərbaycan dili fənni üzrə imtahandan "məqbul" alan abituriyentlər cari ildə bu imtahanda iştirak etmədən müsabiqəyə buraxılırlar. Azərbaycanda yerləşən ümumtəhsil məktəblərinin Azərbaycan bölməsini cari ildə bitirən abituriyentlər isə buraxılış imtahanında iştirak edərək Azərbaycan dili fənni üzrə minimal 15 bal toplamalıdırlar;
• “ADA” Universitetinin pedaqoji heyətindən ibarət komissiya tərəfindən keçiriləcək müsahibədə iştirak etmək. Müsahibə iyun ayında sənəd qəbulu prosesi bitdikdən sonra keçiriləcəkdir.