Ümumi (9 illik) orta təhsil bazasında orta ixtisas təhsili müəssisələrinə qəbul olmuş abituriyentlərin sayı, ümumi və boş qalmış plan yerləri haqqında statistik məlumatlar

Line Spacing+- AFont Size+- Çap
08.08.2017

Dövlət İmtahan Mərkəzi avqustun 7-də ümumi (9 illik) orta təhsil bazasında orta ixtisas təhsili müəssisələrinə qəbul olmaq üçün keçirilən müsabiqənin nəticələrini elan etmişdir.

Ümumi (9 illik) orta təhsil bazasında orta ixtisas təhsili müəssisələrinə qəbul olmaq üçün müsabiqədə 12045 abituriyent iştirak edib. 2017/2018-ci tədris ili üçün orta ixtisas təhsili müəssisələrində ayrılmış plan yerləri isə 10467 olmuşdur. Müsabiqədə iştirak edənlərin 9003 nəfəri, o cümlədən 4115 nəfəri dövlət ödənişsiz, 4239 nəfəri dövlət ödənişli, 649 nəfəri isə özəl təhsil müəssisəsinə ödənişli təhsil forması üzrə qəbul olub. Beləliklə, qəbul planı ümumilikdə 86.01 % yerinə yetirilib. Vakant yerlərin ümumi sayı 1464-dür (13.99 %). Müsabiqənin nəticələrinə əsasən dövlət təhsil müəssisələrinin 824, özəl təhsil müəssisələrinin isə 476 ödənişli yeri boş qalmışdır. Ödənişsiz vakant yerlərin sayı isə 164-dür. Vakant  yerlərin 887-si xüsusi qabiliyyət tələb etməyən, 577-si isə xüsusi qabiliyyət tələb edən ixtisaslardır. Qeyd edək ki, boş qalan ödənişsiz yerlər əsasən xüsusi qabiliyyət tələb edən ixtisaslar üzrədir. Yalnız Qazax Dövlət Sosial-İqtisadi Kolleci, Şamaxı Dövlət Regional Kolleci, Ağcabədi Pedaqoji Kolleci, Göyçay Dövlət İdarəetmə və Texnologiya Kolleci, İsmayıllı Dövlət Humanitar və Texnologiya Kollecində xüsusi qabiliyyət tələb etməyən müəyyən ixtisaslar üzrə az sayda ödənişsiz  boş yerlər qalmışdır (boş yerlər “Abituriyent” jurnalının xüsusi buraxılışnda çap olunacaq).

Ümumi (9 illik) orta təhsil bazasinda orta ixtisas təhsili  müəssisələrinə qəbul olan abituriyentlərin sayı haqqında məlumat

Təhsil forması

 

Qəbul planı

 

Qəbul olunub

Qəbulolma

faizi

Vakant

yerlərin sayı (faizi)

Azərbaycan bölməsi

Rus
bölməsi

Bölmələr üzrə cəmi

Xüsusi qabiliyyət tələb etməyən ixtisaslar

8436

7256

293

7549

89.49

887(10.51)

Xüsusi qabiliyyət tələb edən ixtisaslar

2031

1397

57

1454

71.59

577(28.41)

Cəmi

10467

8653

350

9003

86.01

1464(13.99)

 

Təhsil forması

 

Qəbul planı

 

Qəbul olunub

Qəbulolma

faizi

Vakant

yerlərin sayı (faizi)

Azərbaycan bölməsi

Rus
bölməsi

Bölmələr üzrə cəmi

Dövlət ödənişsiz

4279

3924

191

4115

96.17

164(3.83)

Dövlət ödənişli

5063

4098

141

4239

83.73

824(16.27)

Özəl

1125

631

18

649

57.69

476(42.31)

Cəmi

10467

8653

350

9003

86.01

1464(13.99)

Cari ildə 44 orta ixtisas təhsili müəssisəsinə tələbə qəbulu aparılıb. Onların 15-də plan yerləri 100 % dolub. Plan yerlərinin dolma göstəricilərinə görə nisbətən aşağı nəticələr özəl və ya bölgələrdə yerləşən təhsil müəssisələrində qeydə alınıb. Orta ixtisas təhsili müəssisələri üzrə statistik göstəricilərlə aşağıdakı keçiddən daha ətraflı tanış ola bilərsiniz.

Orta ixtisas təhsili müəssisələri üzrə qəbul olan abituriyentlərin sayı haqqında məlumat

Xatırladaq ki, orta ixtisas təhsili müəssisələrinə qəbul olunanlar 2017-ci il avqustun 9-dan 21-dək tələb olunan sənədləri təqdim etməklə qəbul olduqları təhsil müəssisəsində qeydiyyatdan keçməlidirlər. Abituriyentin göstərilən müddətdə qeydiyyatdan keçməməsi onun müvafiq ixtisasa yerləşdirilməkdən imtina etməsi kimi qiymətləndiriləcək və o, qəbul olunanlar siyahısından xaric ediləcəkdir.

Orta ixtisas təhsili müəssisələri üzrə boş qalan plan yerləri “Abituriyent” jurnalının xüsusi buraxılışında dərc olunacaq və 23-30 avqust tarixlərində boş qalan yerlərə ixtisas seçimi aparılacaqdır.