Beynəlxalq rus dili imtahanları
Rusiya Federasiyası Təhsil və Elm Nazirliyinin 22 fevral 2018-ci il tarixli 130 nömrəli əmri ilə SPDU Rus dili xarici dil kimi dövlət imtahanını keçirən və dövlət tərəfindən tanınmış sertifikat təqdim edən təhsil müəssisələrinin siyahısına daxil edilmişdir. Bu imtahandan aşağıdakı məqsədlərə çatmaq istəyən namizədlər yararlana bilər:
• Rusiya Federasiyasının vətəndaşlığını almaq (Rusiya Federasiyasının vətəndaşı olmaq istəyən şəxslər ТРКИ imtahanı üzrə müvafiq səviyyədə (minimum A2 səviyyəsi) sertifikata sahib olmalıdır);
• Rusiya universitetlərinə daxil olmaq (B1 səviyyəsi üzrə sertifikat tələb olunur);
• Müxtəlif ölkələrdə rus dili kurslarında dərs vermək (C1 səviyyəsi tələb olunur);
• Banklarda, diplomatik nümayəndəliklərdə, siyasətdə, humanitar elmlərdə vəzifə tutmaq, tərcüməçi, redaktor, jurnalist, menecer və s. kimi işləmək;
• Rus dilini daha yüksək səviyyədə mənimsəmək;
• Rus dilini öyrənməkdə motivasiyanı artırmaq və s.
İmtahan haqqında
ТРКИ (Rus dili xarici dil kimi testi) rus dilini bilmə səviyyəsini təyin etmək üçün keçirilən beynəlxalq imtahandır. Bu imtahan dünyada TORFL (Test of Russian as a Foreign Language) kimi tanınır.
Bu gün ТРКИ imtahanlarının mərkəzləri Avropa və Asiyanın bir sıra qabaqcıl ölkələrində (Böyük Britaniya, Almaniya, Fransa, Çin, Koreya, Yaponiya, Türkiyə və s.) fəaliyyət göstərir.
Dövlət İmtahan Mərkəzi (DİM) SPDU ilə əməkdaşlıq çərçivəsində ТРКИ imtahanının Azərbaycanda təklif edən yeganə rəsmi İmtahan Mərkəzi kimi qeydiyyata alınmışdır. Beləliklə, DİM rus dili üzrə bacarıqlarını sertifikatlaşdırmaq istəyən namizədlər üçün ТРКИ imtahanını Azərbaycanda da təklif edir.
ТРКИ imtahanları hər səviyyə üçün beş komponentdən (subtestlərdən) ibarətdir:
- Lüğət ehtiyatı və qrammatika
- Oxu
- Dinləmə
- Yazı
- Danışıq
ТРКИ imtahanları aşağıdakı 6 (altı) səviyyə üzrə aparılır:
- İbtidai səviyyə (ТЭУ / A1)
- Əsas səviyyə (ТБУ / A2)
- Birinci səviyyə (ТРКИ-I / B1)
- İkinci sertifikat səviyyəsi (ТРКИ-II / B2)
- Üçüncü sertifikat səviyyəsi (ТРКИ-III / C1)
- Dördüncü sertifikat səviyyəsi (ТРКИ-IV / C2)
ТРКИ imtahanları aşağıdakı 3 formatda keçirilir:
2. kompüter əsaslı;
3. onlayn (imtahan iştirakçısının özünə uyğun olan məkandan).
DİM-də ТРКИ imtahanları kompüter əsaslı formada keçirilir. Yəni iştirakçılar imtahanı DİM-in imtahan mərkəzinə gəlməklə kompüter vasitəsilə verirlər.
Onlayn ТРКИ imtahanları: Namizədlər onlayn qaydada ТРКИ imtahanlarını istənilən yerdən verə bilərlər. Bunun üçün ancaq kompüter, veb-kamera, qulaqlıq, yazılı işin skan edilməsi/çəkilməsi üçün cihaz (skaner, kamera, kameralı smartfon) və internet şəbəkəsinin olması kifayətdir.
ТРКИ imtahanlarının yazılı və şifahi bölmələri namizədin istəyindən asılı olaraq fərqli günlərdə və ya eyni gündə verilə bilər. Yazılı və şifahi imtahan bölgüsünün olması namizədlərin diqqəti ancaq bir istiqamətə yönəldərək yazılı və ya şifahi imtahanlara hazırlaşmasına imkan yaradır.
İmtahanda iştirak etmək üçün qeydiyyat linki: https://eservices.dim.gov.az/iexams/az/login.aspx
İmtahanların qiyməti
ТРКИ imtahanlarının qiyməti seçilən imtahan səviyyəsindən asılı olaraq dəyişir. Aşağıdakı cədvəl imtahanların qiymətinə dair məlumatı əks etdirir (ƏDV daxil).
Onlayn və kompüter əsaslı imtahanlar:
|
CEFR səviyyəsi |
Məbləğ (USD) |
Məbləğ (AZN) |
|
A1 |
47.06 |
80 |
|
A2 |
47.06 |
80 |
|
B1 |
58.82 |
100 |
|
B2 |
58.82 |
100 |
|
C1 |
70.59 |
120 |
|
C2 |
70.59 |
120 |
Nəticələr və Sertifikat
İmtahanın nəticələri 7 iş günü ərzində elan olunur.
Namizədlər sertifikatlarını 30 gün ərzində DİM-dən əldə edə bilərlər.
İmtahandan uğurla keçmək üçün namizəd hər subtest üçün ən azı 66% toplamalıdır. Namizəd 1 və ya 2 subtest üzrə 66%-dan aşağı nəticə göstərərsə, imtahan məbləğinin 50% -ini ödəməklə uğursuz subtest(lər) üzrə iki il ərzində yeni imtahan vermək hüququna malikdir. Bu zaman namizədin daha öncə uğurla verdiyi subtestlərin nəticələri yenidən nəzərə alınır.
ТРКИ sertifikatlarının etibarlılığı A1 səviyyəsi üzrə 2 il, qalan bütün səviyyələr üçün isə müddətsizdir.
Hər bir ТРКИ sertifikatı unikal nömrəyə malikdir və vahid verilənlər bazasına daxil edilir. Bu, həm onun həqiqiliyini yoxlamağa, həm də lazım olduqda nüsxəsini əldə etməyə imkan verir.
Hazırlıq materialları
ТРКИ -nin rəsmi hazırlıq və praktiki materialları elektron platformada əlçatandır. Eləcə də, ТРКИ imtahanlarına hazırlaşmaq istəyən namizədlər Rusiya Federasiyasının Azərbaycan Respublikasındakı Səfirliyinin dəstəyi ilə Rusiya İnformasiya və Mədəniyyət Mərkəzi (РИКЦ) ilə DİM arasında gəlinmiş razılığa əsasən, РИКЦ tərəfindən təklif edilən münasib qiymətə müxtəlif qeyri-formal təhsil proqramlarından yararlana bilərlər.
Namizədlər, həmçinin aşağıdakı keçidlərə daxil olaraq bir sıra əlavə material və SPDU haqqında məlumatlardan yararlana bilərlər:
SPDU-nun nəşriyyatı
SPDU üzrə virtual səyahət
SPDU-nun onlayn kursları
Rus dili xarici dil kimi üzrə əlavə təhsil proqramları
SPDU-nun qəbul komissiyası
SPDU-nun sərgi və kolleksiyaları
Əlaqə
DİM tərəfindən keçirilən ТРКИ imtahanına qeydiyyat, imtahanın keçirilmə qaydaları və nəticələrin öyrənilməsi haqqında əlavə məlumat əldə etmək üçün əlaqə vasitəsi:
+994 55 205 97 59; + 994 12 310 53 16 (daxili 1204); email international@dim.gov.az.