“Cambridge”in İngilis dili üzrə kvalifikasiyaları

1. Cambridge İngilis dili üzrə Kvalifikasiyalar (Cambridge English Qualifications - CEQ)

CEQ ingilis dilini ikinci və ya xarici dil kimi öyrənənlər üçün ingilis dili üzrə səriştələri qiymətləndirmək məqsədilə hazırlanmış bir sıra imtahanlar qrupudur. Bu kvalifikasiyalar hər yaşdan  və istənilən səviyyədə ingilis dili bacarıqlarına sahib insanları ingilis dilini öyrənməyə həvəsləndirir və real həyat üçün lazım olan praktik bacarıqlarını inkişaf etdirir. CAE 3 istiqamətdə müvafiq imtahanlar təklif edir. 

1. Azyaşlılar üçün
   

2. Məktəblilər üçün

3. Ümumi və Ali Təhsil üçün

4. İş üçün 

Azyaşlılar üçün

Bu Kvalifikasiyalar xüsusi olaraq azyaşlılar üçün, onları ingilis dilini öyrənməyə həvəsləndirmək məqsədilə hazırlanmışdır. Hər bir uşaq imtahan verdikdən sonra CAE tərəfindən dünya miqyasında tanınan sertifikat ilə təmin edilir.

PreA1 Starters -  azyaşlı öyrənənlər üçün nəzərdə tutulan üç imtahandan birincisidir. Hər üç imtahan azyaşlı uşaqların ingilis dilini öyrənməsində ilk addımlar atmağına kömək edir. Bu imtahanın mənfi nəticəsi yoxdur. İstənilən halda hər uşağa öz nailiyyətini əks etdirən sertifikat verilir.

Qeyd: Bu imtahanlar hazırda DİM-in rəsmi test mərkəzində təşkil edilməsə də, gələcəkdə keçirilməsi planlaşdırılır.

Məktəblilər üçün

Bu Kvalifikasiyalar xüsusi olaraq məktəblilər üçün hazırlanmışdır. Bu imtahanlar uşaqlar və yeniyetmələrin özlərinə inam qazanmalarına və ingilis dili bacarıqlarını inkişaf etdirməsinə kömək edir. Hər kəs imtahan verdikdən sonra CAE tərəfindən dünya miqyasında tanınan sertifikat ilə təmin edilir.

A2 Key for Schools -  kvalifikasiya şagirdlərin gündəlik ingilis dili yazı və danışıq bacarıqlarını A2 səviyyəsində inkişaf etdirməyə kömək edir. Bu imtahan şagirdlərin A2 səviyyəsində əldə etdikləri bacarıqları möhkəmləndirir və yoxlayır.

B1 Preliminary for Schools - ingilis dilinin əsaslarını mənimsəmiş və gündəlik istifadə üçün praktik dil bacarıqlarına sahib olan şagirdlər üçün orta səviyyəli bir kvalifikasiyadır.

Ümumi və ali təhsil

Karyera və ali təhsil məqsədləri üçün ingilis dilinə ehtiyacı olan şəxslər üçün bu kvalifikasiyalar nəzərdə tutulur. Hədəfləriniz nə olursa olsun, bu kvalifiaksiyalar sizə uğur qazanmaq üçün lazımi bacarıqları verəcəkdir.

A2 KEY - kvalifikasiya asan vəziyyətlərdə ünsiyyət qurmaq üçün sizə lazım olan ingilis dili bacarıqlarını  sübut etmək üçündür. İngilis dilini öyrənməyə yeni başlamısınızsa, A2 KEY imtahanı vermək ən düzgün seçimdir.

B1 Preliminary - ingilis dilinin əsaslarını mənimsəmiş və gündəlik istifadə üçün praktik dil bacarıqlarına sahib olanlar üçün nəzərdə tutulan orta səviyyəli bir kvalifikasiyadır.

B2 First - kvalifikasiya ingilis dilli bir mühitdə özünə inamlı şəkildə ünsiyyət qurmaq üçün lazım olan dil bacarıqlarına sahib olduğunuzu göstərir.

C1 Advanced* - ingilis dilində yüksək səviyyədə dil bacarıqlarına sahib olmağın sübutudur və sizi universitet və ya peşə həyatına hazırlamaq üçün ideal kvalifikasiyadır.

C2 Proficiency* - CEQ arasında ən yüksək kvalifikasiya növüdür və ingilis dilini əla səviyyədə mənimsədiyinizi dünyaya sübut edir.

Qeyd: *imtahanlar hazırda DİM-in rəsmi test mərkəzində təşkil edilməsə də, gələcəkdə keçirilməsi planlaşdırılır.

İşgüzar mühit üçün

Aşağıda qeyd edilən ingilis dili  kvalifikasiyaları peşəkarlar üçün hazırlanmışdır. Bu kvalifikasiyalar beynəlxalq iş mühitində müvəffəq olmaq üçün dil bacarıqlarınızı inkişaf etdirməkdə sizə kömək edəcəkdir.

B1 Business Preliminary - kvalifikasiya işgüzar ingilis dilinin əsaslarına yiyələndiyinizi göstərir.

B2 Business Vantage - kvalifikasiya yeni işlərə müraciət etməkdə, vəzifədə yüksəlmədə və ya karyeranızı inkişaf etdirməkdə sizə kömək edəcəkdir.

C1 Business Higher -kvalifikasiya sizi qlobal iş mühitində yüksək və özünə inamlı şəkildə fəaliyyət göstərməyiniz üçün lazım olan praktiki dil bacarıqları ilə təmin edir.

İmtahanda iştirak etmək üçün qeydiyyat linki:https://eservices.dim.gov.az/iexams/az/login.aspx

2. Cambridge İngilis dili üzrə Tədris (Cambridge English Teaching - CET)

CET kvalifikasiyalarından birini keçməklə siz tədris bilik və bacarıqlarınızı, özünüzə inamınızı artıracaq, eyni zamanda müəllim karyeranızda irəliləməyiniz üçün böyük addım atmış olacaqsınız.

TKT ingilis dilinin tədrisi sahəsində müəllimlərin bilik və bacarıqlarını yoxlayan Cambridge kvalifikasiyalarından biridir. Yeni və ya təcrübəli müəllim olmağınızdan asılı olmayaraq dünya səviyyəsində tanınan TKT sertifikatı əldə etməklə həm özünüzü inkişaf etdirə, həm də pedaqoji bacarıqlarınızı sübut edə bilərsiniz.

İstədiyiniz müddət ərzində, istədiyiniz qədər modul götürmək şansınız var. Tamamladığınız hər modul üçün Cambridge tərəfindən sizə Sertifikat təqdim edilir.

TKT-nin 3 əsas və 2 ixtisaslaşma modulu var:

Qeyd: TKT modulları üzrə imtahanları istənilən ardıcıllıqla vermək mümkündür və hər modul üzrə ayrıca sertifikat verilir.

İmtahanda iştirak etmək üçün qeydiyyat linki: https://eservices.dim.gov.az/iexams/az/login.aspx

 3. LinguaSkill

Linguaskill modulları vasitəsilə dörd dil bacarığının hamısını - danışıq, yazı, oxu və dinləmə yoxlaya bilərsiniz. Bu test təşkilatların, fərdlərin və namizədlərin ingilis dili səviyyələrini Süni İntellekt texnologiyasına əsaslanaraq yoxlamalarına kömək etmək üçün mövcud olan sürətli və rahat onlayn testdir. 

Testin nəticələri 48 saat ərzində təqdim olunur. Namizədlər testi istənilən vaxt, hər yerdə, hətta evdə götürə bilər. Nəticələr dil bacarıqlarını müəyyənləşdirən beynəlxalq standart (CEFR) ilə uyğunlaşır.

Cambridge imtahanları (2021-ci il)

İmtahanların qiymətləri

Ətraflı məlumat üçün bizimlə 3105316 (daxili 1206), +994552059759 telefon nömrələri və ya g.hajili@dim.gov.az elektron poçt ünvanı vasitəsilə əlaqə saxlaya bilərsiniz.