Dövlət İmtahan Mərkəzinin fəaliyyətinin əsas istiqamətlərindən birini imtahanların məzmunu ilə bağlı və imtahana hazırlaşan gənclərə metodiki köməklik baxımından materialların hazırlanması və ümumi təhsili həyata keçirən təhsil müəssisələrində istifadədə olan dərsliklərin, dərs vəsaitlərinin və digər tədris vasitələrinin açıq müzakirələrinin aparılması təşkil edir.
İmtahanların məzmununa aid materiallara – imtahan fənləri üzrə proqramlar və imtahan modelləri, metodiki materiallara isə tövsiyələr, vəsaitlər, qiymətləndirmə vasitələrinə dair kitabçaların hazırlanması və onlayn layihələr daxildir.
Bu işlər əsasən DİM-də fəaliyyət göstərən fənlər üzrə elmi-metodiki seminarlarda həyata keçirilir.
Fənlər üzrə seminarlar 1994-cü ildən fəaliyyət göstərir. Ötən illər ərzində seminarların işi xeyli təkmilləşib, fəaliyyət dairəsi genişlənib. Hazırda mərkəzdə 23 fənn üzrə seminar fəaliyyət göstərir. Bunlardan 15 seminar imtahan fənləri üzrə materialların hazırlanması və dərsliklərin monitorinqi, 8 seminar isə bilavasitə dərsliklərin monitorinqinə aiddir. Seminarların işində iştirak edən mütəxəssislərin sayı ilbəil artır. Seminarların işində ümumi orta və ali təhsil müəssisələrinin müəllimləri, metodistlər, Milli Elmlər Akademiyasının müvafiq fənlər üzrə mütəxəssisləri iştirak edir.
İnternet üzərindən Mərkəzin Naxçıvan, Gəncə, Şəki, Lənkəran, Xaçmaz, Bərdə, Şirvan, Göyçay və Şəmkir regional bölmələrində həmin bölgələrin müvafiq fənn müəllimləri ilə də bağlantı vasitəsilə və həmçinin səyyar seminarlar keçirilir.
Elmi-metodiki seminarların iş planı
1.İş planının müzakirəsi və təsdiqi;
2.Buraxılış imtahanları, Hərbi liseylərə, ali və orta ixtisas təhsili müəssisələrinə qəbul imtahanlarının proqramlarının hazırlanması, müzakirəsi və təkmilləşdirilməsi;
3.İmtahanlarda istifadə olunmuş tapşırıqların elmi-metodiki təhlili;
4.İmtahanlarda ayrı-ayrı fənlər üzrə zəif cavablandırılan bəzi test tapşırıqlarının izahlarına dair metodiki tövsiyələrin hazırlanması;
5.İmtahanlar üçün yeni modellərin hazırlanması və müzakirəsi;
6.Qapalı və açıq tipli test tapşırıqlarının və fənn kurikulumları əsasında qiymətləndirmə vasitələrinə dair nümunələrin tərtibi texnologiyası ilə bağlı müzakirələrin keçirilməsi;
7.İmtahanlara hazırlaşanlar, şagirdlər və müəllimlər üçün vəsaitlərin, siniflər üzrə qiymətləndirmə nümunələri kitabçalarının hazırlanması və təkmilləşdirilməsi üzrə müzakirələr;
8.Xarici ölkələrin bilik və bacarıqlarının qiymətləndirilməsi sahəsindəki təcrübələrinin öyrənilməsi ilə bağlı müzakirələrin aparılması;
9.Ümumi təhsili həyata keçirən təhsil müəssisələrində istifadədə olan dərsliklərin, dərs vəsaitlərinin və digər tədris vasitələrinin elmi-metodiki monitorinqi üzrə açıq müzakirələrin aparılması.
Описание
Elmi-metodiki fənn seminarlarının siyahısı
1.Azərbaycan dili və ədəbiyyat
2.Azərbaycan dili ( təlim rus dilində olan məktəblər üçün )
3.Rus dili (Azərbaycan bölməsində xarici dil kimi)
4.Rus dili və ədəbiyyat
5.Riyaziyyat
6.Fizika
7.Kimya
8.Tarix
9. Biologiya
10. Coğrafiya
11. İngilis dili
12. Alman dili
13. Fransız dili
14. Ərəb dili
15. Fars dili
16. İbtidai siniflər üzrə
17. Fiziki tərbiyə
18. Çağırışaqədərki hazırlıq
19. Musiqi
20. İnformatika
21. Texnologiya
22. Təsviri incəsənət
23. Həyat bilgisi
-