Dövlət İmtahan Mərkəzinin İdarə Heyəti sədrinin müavini Bəhrəm Xəlilovun müəllifi olduğu məqalə 2025-ci ildə “Springer Nature” nəşriyyatına daxil olan Palgrave Macmillan tərəfindən çap olunan “Public Administration in the New Reality” (“Yeni Reallıqda Dövlət İdarəçiliyi”) adlı kitabda dərc olunub.
Kitab dövlət idarəçiliyi sahəsində dəyişən reallıqlara uyğun olaraq yeni yanaşmaları əhatə edir. Nəşrdə Bəhrəm Xəlilovun məqaləsi “Post COVID-19, Public Administration and Civil Service Development: Select Country Cases from Caucasus and Central Asia” (Post-COVID-19 dövründə dövlət idarəçiliyi və dövlət qulluğunun inkişafı: Qafqaz və Mərkəzi Asiyadan seçilmiş ölkə nümunələri) bölməsi altında Azərbaycan təcrübəsinə həsr olunub.
Kitabı buradan yükləyib məqalə ilə tanış ola bilərsiniz (səh.387).
Bu nəşr dövlət qulluğu və idarəetmənin müasir çağırışlarına dair nüfuzlu beynəlxalq elmi platformalardan biri hesab olunur. Məlumat üçün qeyd edək ki, Palgrave Macmillan dünyada sosial və siyasi elmlər sahəsində ixtisaslaşmış aparıcı akademik nəşriyyat evlərindən biridir.
