2025-ci ildən etibarən Dövlət İmtahan Mərkəzinin (DİM) elektron imtahanlar korpusu da SAT-nin rəsmi test mərkəzi olaraq fəaliyyətə başlayıb.
Xatırladaq ki, DİM 2014-cü ildən rəsmi test mərkəzi olaraq SAT imtahanı keçirir. DİM-in elektron imtahanlar korpusunun fəaliyyətə başlaması ilə bu imtahana əlçatanlıq təmin olunub və artıq DİM-in hər iki binasında, ümumilikdə 750 nəfərin eyni vaxtda imtahan verməsi imkanı yaradılıb.
Qeyd edək ki, DİM-in elektron imtahanlar korpusunda 8 mart 2025-ci il tarixində keçiriləcək SAT imtahanı üçün yerlər mövcuddur və qeydiyyat davam edir.
2025-ci ildə SAT imtahanının DİM-in hər iki binasında aşağıdakı tarixlərdə keçirilməsi nəzərdə tutulur:
- 8 mart
- 3 may
- 7 iyun
- 23 avqust
- 13 sentyabr
- 4 oktyabr
- 8 noyabr
- 6 dekabr
8 mart tarixində keçiriləcək 2025-ci ilin ilk imtahanında iştirak edəcək namizədlərdən qeydiyyatdan keçdikləri test mərkəzinə xüsusilə diqqət yetirmələri və imtahan üçün buraxılış vərəqələrində göstərilən müvafiq ünvana yaxınlaşmaları xahiş olunur.
İmtahanların keçirildiyi ünvanlar:
- Akademik Həsən Əliyev küçəsi, 299 (TC60129)
- Süleyman Sani Axundov küçəsi, 50 (TC56582)