Azərbaycan Respublikasının 2026-cı il 27 fevral tarixli 368-VIIQD nömrəli Qanunu ilə “Dövlət qulluğu haqqında” Qanuna edilmiş dəyişikliyə əsasən bəzi dövlət orqanlarının kateqoriyası və bəzi inzibati vəzifələrin təsnifatı artmış, bu səbəbdən müəyyən vəzifələrin tutulması şərtlərində, eyni zamanda həmin vəzifələrin tutulması üçün tələb olunan sertifikatın altqrupunda dəyişikliklər baş vermişdir.
Qeyd edilən Qanun 2026-cı il yanvarın 1-dən tətbiq edilir.
Bununla əlaqədar olaraq 2026-cı ilin 24 aprel tarixinədək elan edilmiş müsahibələrdə (müsabiqə üzrə müsahibə, ümumi və daxili müsahibələrdə) iştirakla bağlı qeydə alınmış namizədlərin, müsahibədə uğur qazanmış, lakin təyinatı ilə bağlı qərar qəbul edilməmiş namizədlərin və ehtiyat kadrlar siyahısında olan şəxslərin vakant inzibati vəzifələrə təyinatı zamanı vəzifələrin hazırda qüvvədə olan tutulma şərtlərinin tələblərinə cavab verməsi və dövlət qulluğu vəzifəsinin tutulması üçün tələb olunan sertifikata malik olması nəzərə alınacaq.