Struktur bölmə: Səriştələrin və peşəkar potensialın qiymətləndirilməsi şöbəsi
Struktur vahid: Funksional səriştələrin qiymətləndirilməsi sektoru
Vəzifənin adı: aparıcı məsləhətçi
Qulluq funksiyaları:
- Dövlət qulluğuna qəbul və dövlət qulluğunda fəaliyyətin davam etdirilməsi, eləcə də müxtəlif təyinatlı digər imtahanların qanunvericilik üzrə proqramlarını hazırlamaq;
- Yoxlama-ölçmə materiallarının işlənib-hazırlanmasına (müvafiq sahə üzrə) ekspertlər cəlb etmək, yoxlama-ölçmə materiallarının işlənib-hazırlanmasını təşkil etmək;
- Mövcud olan test tapşırıqları banklarının mütəmadi olaraq təftişini təşkil etmək;
- İxtisas və peşəkarlıq səviyyəsinə uyğun test tapşırıqlarının hazırlanmasında, test tapşırıqları bankının təftişində şəxsən iştirak etmək;
- Test kitabçalarının məxfi şəraitdə hazırlanmasında və imtahanda istifadə olunacaq test tapşırıqlarının yekun ekspertizasında iştirak etmək;
- Səlahiyyətləri daxilində sektora daxil olan müraciətləri (o cümlədən apellyasiya müraciətlərini) araşdırmaq və cavablandırmaq;
- Dövlət qulluğunun müxtəlif fəaliyyət sahələri üzrə tələb olunan funksional (texniki) səriştələrin müəyyən edilməsi və yoxlama alətlərinin hazırlanması üzrə layihələrdə iştirak etmək;
- DİM-in keçirdiyi imtahan, müsahibə və tədbirlərdə iştirak etmək (zal nəzarətçisi, imtahan rəhbəri, Mərkəzin nümayəndəsi qismində və s.);
- Rəhbərlik, şöbə müdiri və sektor müdiri tərəfindən verilmiş tapşırıqları icra etmək.
Təhsilə dair tələblər: Hüquqşünaslıq ixtisası üzrə ali təhsil
İş stajına dair tələbi: Tələb müəyyən edilmir
Kompüter biliklərinə dair tələblər: MS Windows, MS Office, İnternet (orta səviyyədə)
Xarici dil biliklərinə dair tələblər: Rus dili-B2; İngilis dili-B1
Xüsusi tələblər: Yoxlama-ölçmə materiallarının hazırlanması metodikası sahəsində nəzəri bilik və təcrübə,analitik düşüncə, planlaşdırma bacarığı, yaradıcılıq, çeviklik, stresədözümlülük, kommunikativ bacarıqlar, komanda və fərdi şəkildə işləmə bacarığı
Vakansiya üzrə müraciət etmək istəyən şəxslər "Kadr uçotunun şəxsi vərəqəsi"ni mövzu bölməsində “Funksional səriştələrin qiymətləndirilməsi sektorunda aparıcı məsləhətçi” qeyd olunmaqla hr@dim.gov.az elektron poçt ünvanına 20 fevral 2025-ci il tarixinədək göndərə bilərlər.
Kadrlar uçotunun şəxsi vərəqəsindən fərqli formada göndərilən müraciətlərə baxılmayacaq.