SAT imtahanı
SAT I (Scholastic Aptitude/Assessment Test) imtahanı tələbənin riyaziyyat və məntiqini yoxlayan 3 saat 45 dəqiqəlik test imtahanıdır. Bu növ SAT imtahanı 3 hissədən ibarətdir: “Math” (Riyaziyyat və Həndəsə), “Critical Reading” (İngiliscə oxuma) və “Writing” (Yazı qabiliyyəti).
SAT II (SAT Subject) imtahanı - müxtəlif məktəb fənlər (hər biri 1 saat olmaqla) üzrə bilik və bacarıqları yoxlayan test imtahanıdır.
Daha ətraflı məlumat: http://dim.gov.az/activities/exams/sat/
TOEFL iBT imtahanı
TOEFL iBT® (Test of English as a Foreign Language) imtahanı - ingilis dili üzrə oxu, yazı, dinləmə və ünsiyyət bacarıqlarını ölçən 3 saatlıq imtahandır. İmtahanın nəticələri 130-dan çox ölkənin 9000-dən artıq kolleci, universiteti və institutları tərəfindən qəbul olunur.
Daha ətraflı məlumat: http://dim.gov.az/activities/exams/toefl/
GRE imtahanı
GRE (Graduate Record Examinations) imtahanı - dünyanın bir çox ali təhsil müəssisələrində magistr, MBA, doktorantura təhsilini almaq üçün tələb olunur və təqaüdlərin verilməsi zamanı diqqət yetirilən göstəricilərdən biridir. GRE: ümumi testi 4 hissədən ibarət olur və 160-dan çox ölkənin 1000-dən artıq test mərkəzində keçirilir.
Daha ətraflı məlumat: http://dim.gov.az/activities/exams/gre/
Pearson VUE imtahanları
PTE-Academic imtahanı - akademik ingilis dili üzrə bilik və bacarıqların qiymətləndirilməsini nəzərdə tutan 3 saatlıq onlayn imtahandır. İmtahanda iştirakçların oxu, yazı, dinləmə və ünsiyyət bacarıqları yoxlanılır. PTE-Academic imtahanın nəticələri 62 ölkənin 2500-dən çox təhsil müəssisəsi tərəfindən qəbul olunur.
Peşəkar imtahanlar - “Pearson VUE” platforması vasitəsilə keçirilən və beynəlxalq səviyyədə tanınan müxtəlif ixtisas istiqamətləri (IT, maliyyə, mühasibat, marketinq, audit, layihələrin idarə edilməsi və s.) üzrə 100-dən çox sertifikat imtahanlarıdır.
DİM-də keçirilən müxtəlif ixtisas sahələri, həmçinin ingilis dili üzrə imtahanların vaxtı:
- “Pearson VUE”-nun 100-dən çox professional imtahan - hər həftənin I, V günləri (səhər növbəsi: 08:30–13:30, günorta növbəsi: 14:00-17:00)
- “Pearson Test of English Academic” (PTE Academic) - hər həftənin II günləri (günorta növbəsi: 14:00-17:00)
Daha ətraflı məlumat: PTE-Academic və peşəkar imtahanlar.
ACCA
ACCA kvalifikasiyası maliyyə, mühasibat uçotu və audit sahələri üzrə beynəlxalq əmək bazarının tələblərini özündə əks etdirən, peşəkar bilik, bacarıq və yeniliklər, o cümlədən işgüzar dəyər formalaşdıran peşəkar kvalifikasiya hesab olunur. Namizəd ACCA üzvlüyünə daxil olmaq üçün 11 imtahan verməli və müvafiq sahələrdə (maliyyə, mühasibat uçotu və audit) 3 illik iş təcrübəsinə malik olduğunu göstərməlidir.
DİM-də ACCA imtahanları hər həftənin II (10:00–13:30) və IV (10:00-18.00) günləri keçirilir.
Daha ətraflı məlumat: http://dim.gov.az/activities/exams/acca/
ТРКИ (Beynəlxalq rus dili imtahanı)
ТРКИ (Rus dili xarici dil kimi imtahanı) rus dilini bilmə səviyyəsini təyin etmək üçün keçirilən beynəlxalq imtahandır. Bu imtahan hər səviyyə üçün beş komponentdən (subtestlərdən) ibarətdir: lüğət ehtiyatı və qrammatika, oxu, dinləmə, yazı, danışıq. ТРКИ imtahanlarının mərkəzləri Avropa və Asiyanın bir sıra qabaqcıl ölkələrində (Böyük Britaniya, Almaniya, Fransa, Çin, Koreya, Yaponiya, Türkiyə və s.) fəaliyyət göstərir.
DİM-də ТРКИ imtahanları hər həftənin I və III günləri, eləcə də onlayn qaydada həftənin VI və VII günləri keçirilir.
Daha ətraflı məlumat: http://dim.gov.az/activities/exams/beyn-lxalq-rus-dili-imtahanlar/
ICDL
Beynəlxalq Kompüter İşlətmə Lisenziyası – “International Computer Driving Licence” (ICDL) Avropa və Asiyanın bir sıra qabaqcıl ölkələrində, ümumilikdə 100-dən artıq ölkədə (Böyük Britaniya, Almaniya, Fransa, Çin, Koreya, Yaponiya, Türkiyə və s.) 14 milyondan çox insanın kompüterdən və kompüter proqramlarından istifadə etmək üçün lazım olan bilik və bacarıqlarını ölçən beynəlxalq dərəcəli sertifikatlaşdırma proqramıdır.
DİM-də ICDL imtahanları hər həftənin çərşənbə günləri (09:00–17:00) günləri keçirilir.
Daha ətraflı məlumat: http://dim.gov.az/activities/exams/ICDL/
“Cambridge”in İngilis dili Üzrə Kvalifikasiyaları
Dövlət İmtahan Mərkəzi CAE rəsmi test mərkəzlərindən biri olaraq Cambridge İngilis dili üzrə Qiymətləndirmə (Cambridge English Qualifications), Cambridge İngilis dili üzrə Tədris (Cambridge English Teaching) və LinguaSkill imtahanlarını təklif edir. Dövlət İmtahan Mərkəzi tələb əsasında Cambridge İngilis dili üzrə Səviyyə Testi (Cambridge English Placement Test - CEPT) də təşkil edir.
Daha ətraflı məlumat: http://dim.gov.az/activities/exams/cambridge-in-ngilis-dili-zr-kvalifikasiyalar/
Əlaqə vasitəsi: info@dim.gov.az