2023-cü il 21-23 iyun tarixlərində beynəlxalq ekspertlər tərəfindən imtahanlarda, müsahibələrdə və xidməti fəaliyyətin qiymətləndirilməsində səriştələrə əsaslanan vasitələrin hazırlanması və təqdim edilməsi barədə biliklərin artırılması məqsədilə təlimlər keçirilib.
Təlimin ilk günü beynəlxalq ekspert Rachel Frost tərəfindən səriştə əsaslı müsahibələrlə bağlı xarici təcrübə, qiymətləndirmə tapşırıqlarının hazırlanması, namizədlərin səriştələrinin qiymətləndirilməsi kimi mövzularda təqdimatlar nümayiş edilib.
Təlimin ikinci günü beynəlxalq ekspert Vesselin Kantchev tərəfindən keçirilib. Təlim müddətində “Qiymətləndirmə texnikaları”, “Canlı müsahibələrə baxaraq müsahibənin qiymətləndirilməsi üzrə məşq etmək, nəticələrin məzmununu təhlil etmək, nəzəriyyə və təcrübə ilə müqayisə etmək” və “Biliyin qiymətləndirilməsi” kimi mövzularda təqdimatlar nümayiş edilib.
Təlimin son günündə digər beynəlxalq ekspert Eduard Zakharchenko tərəfindən “Məzmun, qarşılıqlı əlaqə və davranışlar baxımından müsahibələr üzrə rəylərin işlənib hazırlanması”, “Ekspertlər arasında dəstək sisteminin qurulması” və s. kimi mövzulara toxunulub və iştirakçılarla müzakirələr aparılıb.
Qeyd edək ki, yaxın zamanda layihənin ekpertləri tərəfindən müxtəlif istiqamətləri əhatə edən növbəti təlimlərin keçirilməsi planlaşdırılır.
