24-28 noyabr tarixlərində seminarlarda Azərbaycan dili fənii üzrə III, informatika fənni üzrə I (Rİ altqrupu), kimya fənni üzrə I və IV, rus dili fənni üzrə III, biologiya fənni üzrə IV, coğrafiya fənni üzrə II və III (TC altqrupu), riyaziyyat fənni üzrə II ixtisas qrupları üzrə imtahan modellərinə uyğun tapşırıq nümunələrinə baxılıb. Hər bir tapşırıq müvafiq fənn kurikulumunun təlim nəticələri, məzmun standartlarının tələbləri nəzərə alınmaqla mövzu, məzmun, mürəkkəblik dərəcəsi və relevantlıq kateqoriyası baxımından müzakirə edilib. Rus dili və biologiya fənni üzrə imtahan modelinə uyğun tapşırıq nümunələrinin seçilməsi prosesi başa çatıb.
Müzakirələrdə qəbul edilmiş imtahan modellərinə uyğun tapşırıq nümunələri “Abituriyent” jurnalının 1-ci sayında dərc ediləcəkdir.
26 noyabr tarixində fizika fənni üzrə seminarda 1 iyun 2025-ci il tarixində I və IV ixtisas qrupları üçün keçirilmiş qəbul imtahanında istifadə edilmiş test tapşırıqlarının, 27 noyabr tarixində isə tarix fənni üzrə seminarda 25 may 2025-ci il tarixində II və III ixtisas qrupları üçün keçirilmiş qəbul imtahanında istifadə edilmiş test tapşırıqlarının müzakirəsi həyata keçirilib. Hər bir tapşırıq müvafiq fənn kurikulumunun təlim nəticələri, məzmun standartlarının tələbləri nəzərə alınmaqla mövzu, məzmun, mürəkkəblik dərəcəsi və relevantlıq kateqoriyası baxımından müzakirə edilib.
Seminarlarda orta ümumtəhsil və ali təhsil müəssisələrinin müəllimləri, metodistlər və Azərbaycan Milli Elmlər Akademiyasının Elm və Təhsil Nazirliyinin tabeliyində olan institutlarının müvafiq fənlər üzrə mütəxəssisləri iştirak ediblər. Eyni zamanda DİM-in regional bölmələri (Naxçıvan, Gəncə, Şirvan, Lənkəran, Şəki, Bərdə, Xaçmaz, Şəmkir, Göyçay) ilə onlayn bağlantı vasitəsilə həmin bölgələrdəki müəllimlər də müzakirələrə qoşulublar.
Seminarlara DİM-in regional bölmələrindən onlayn rejimdə qoşulmuş müəllimlər: Azərbaycan dili fənni üzrə Şəki rayonu Kiş kənd tam orta məktəbinin müəllimi Məmmədov Bəhruz, fizika fənni üzrə Şəki rayonu Baş Zeyid kənd tam orta məktəbinin müəllimi Həmidov İbrahim, Bərdə rayonu 8 nömrəli tam orta məktəbin müəllimi Hüseynova İlqarə, biologiya fənni üzrə Babək rayonu Nehrəm kənd 2 nömrəli tam orta məktəbin müəllimi Quliyeva Səbinə, tarix fənni üzrə Gəncə şəhəri M.C. Paşayev adına 39 N-li tam orta məktəbin müəllimi Quliyev Ramin, Goranboy rayonu Borsunlu kənd 2 nömrəli tam orta məktəbin müəllimi Hümbətov Bəhruz, coğrafiya fənni üzrə Astara rayonu 1 nömrəli tam orta məktəbin müəllimi Seyidova Günel, Goronboy rayonu Alpout kənd tam orta məktəbin müəllimi Bayramov Akif, Samux rayonu Qarayeri qəsəbəsi 2 nömrəli tam orta məktəbin müəllimi Nəsibova Jalə, riyaziyyat fənni üzrə Goranboy rayonu Qarasuçu kənd tam orta məktəbinin müəllimi Hümbətova Şəhla müzakirələrdə aktiv iştirak edib, müzakirə edilən məsələlər baradə öz fikirlərini bildiriblər.
Müzakirələr növbəti həftə davam etdiriləcəkdir.
