İclaslarda Azərbaycan dili fənni üzrə hərbi liseylərə qəbul imtahanı proqramının, Azərbaycan dili (dövlət dili) fənnindən isə tam orta (11 illik) təhsil səviyyəsi üzrə imtahan modelinə uyğun tapşırıq nümunələrinin müzakirəsi aparılıb.
İngilis dili fənnindən iclasda tam orta (11 illik) təhsil səviyyəsi üzrə buraxılış, informatika fənnindən iclasda isə I ixtisas qrupu üzrə qəbul imtahanı modelinə uyğun sınaq imtahanları üçün hazırlanmış tapşırıqların müzakirəsinin davamı olub. Hər bir tapşırığın müvafiq fənn kurikulumunun təlim nəticəsinə və istifadədə olan dərsliklərə uyğunluğu yoxlanılıb.
Qeyd edilən məsələlərlə bağlı iştirakçılar fikirlər bildirib və təkliflər veriblər.
İclaslarda DİM-in şöbə müdiri A. Batıyeva Zəfər Günü və Azərbaycan Respublikasının Dövlət Bayrağı Günü münasibəti ilə işçi qruplarının üzvlərini təbrik etdi. Həmçinin vətənimizin bütövlüyü uğrunda canını fəda etmiş şəhidlərimizin xatirəsi bir dəqiqəlik sükutla yad edildi.
İşçi qruplarının növbəti iclası 13 noyabr 2023-cü il tarixində keçiriləcək.
