Dövlət İmtahan Mərkəzi təlimlər üzrə fəaliyyətində iştirak etmək üçün 2023-cü ilin sonunadək davam edəcək təcrübə proqramı elan edir. Təcrübəçilər proqram çərçivəsində iş mühitində və kollektivdə fəaliyyət, sənədlərlə iş, rəsmi danışıqların və yazışmaların aparılması, həmçinin təlimlərin təşkili sahəsində təcrübə toplamaq imkanı qazanacaq, gələcək iş yerlərində daha uğurlu olmaq üçün bilik və səriştələr əldə edəcəklər. Müraciət etmək istəyən namizədlər aşağıda qeyd olunmuş şərtlərə uyğun olmalıdırlar.
Namizədlər üçün müəyyən edilən tələblər:
- Humanitar və sosial ixtisaslar üzrə II, III və ya IV kursda təhsil almaq;
- Kompüter bilikləri (MS Excel, MS Word, MS Power Point);
- Xarici dil bilikləri: İngilis dili B1; Rus dili B1 (və ya yuxarı);
- Kommunikasiya və təqdimat bacarıqları;
- Məntiqi və analitik düşünmə qabiliyyəti;
- Öyrənmə və inkişafa meyillilik.
Təcrübə şərtləri:
- Təcrübə günləri: Həftənin 5 günü (qrafik üzrə)
- Təcrübə saatı : 09:00-dan 17:00-dək
- Təcrübə müddəti: 2023-cü ilin sonunadək
Müraciət etmək istəyən namizədlər "CV"lərini r.cahangirbayli@dim.gov.az ünvanına mövzu hissəsində “Təlimlər üzrə təcrübəçi” qeyd edərək göndərə bilərlər.