“Azərbaycanda dövlət qulluğu sistemində islahatlara dəstək” texniki yardım layihəsi çərçivəsində “Səriştələrin rəqəmsal qiymətləndirilməsi” mövzusunda beynəlxalq ekspert Süleyman Vezi tərəfindən xidməti fəaliyyətin qiymətləndirilməsi üzrə proqram təminatının “demo” versiyasının təqdimatı məqsədilə DİM və dövlət orqanlarının nümayəndələri üçün praktik təlim keçirilib.
Təlimdə 13, 14 və 21 sentyabr tarixlərində DİM-in ümumilikdə 15 nümayəndəsi, 15 və 22 sentyabr tarixlərində isə İqtisadiyyat Nazirliyi, Maliyyə Nazirliyi, Əmək və Əhalinin Sosial Müdafiəsi Nazirliyi, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar Agentliyi, Dövlət Gömrük Komitəsi və Qida Təhlükəsizliyi Agentliyinin nümayəndələri olmaqla ümumilikdə 15 nəfər iştirak edib.
Təlim zamanı layihənin eksperti proqram təminatı və onun əhəmiyyəti, qiymətləndirmə alətlərinin layihələndirilməsi, qiymətləndirmələrin aparılması və hesabatların verilməsi barədə təlim iştirakçılarını məlumatlandırıb.
Təlimin sonunda iştirakçıların sualları cavablandırıb və atılacaq növbəti addımlara dair müzakirələr aparılıb.
Xatırladaq ki, Avropa İttifaqı tərəfindən maliyyələşdirilən "Azərbaycanda dövlət qulluğu sistemində islahatlara dəstək" 2022-2023 texniki yardım layihəsi “Azərbaycan Respublikasında dövlət qulluğunun inkişafına dair 2019-2025-ci illər üçün Strategiya”nın həyata keçirilməsinə töhfə vermək məqsədi daşıyır.
Layihə ilə əlaqəli digər xəbərlərə keçidlər:
https://dim.gov.az/news/10238/
https://dim.gov.az/news/10706/
https://dim.gov.az/news/10979/
https://dim.gov.az/news/10666/
