Regional təlim proqramı Birləşmiş Millətlər Təşkilatının Asiya və Sakit Okean üzrə İnformasiya və Kommunikasiya Texnologiyalarının İnkişafı Təlim Mərkəzi tərəfindən Koreya Respublikasında keçirilib
2022-ci il 7-11 noyabr tarixlərində Koreya Respublikasının İnçxon şəhərində Birləşmiş Millətlər Təşkilatının Asiya və Sakit Okean üzrə İqtisadi və Sosial Komissiyasının (UNESCAP) Asiya və Sakit Okean üzrə İnformasiya və Kommunikasiya Texnologiyalarının İnkişafı Təlim Mərkəzinin (APCICT) və Koreya Respublikasının Elm və İKT Nazirliyinin birgə təşkilatçılığı ilə “Rəqəmsal Liderlər Proqramı”” adlı təlim proqramının təqdimatı keçirilib. Tədbirdə Dövlət İmtahan Mərkəzinin E-imtahanlar və müsahibələrin təşkili departamentinin baş məsləhətçisi Gülmirə İsayeva da iştirak edib.
Proqramın təqdimatı APCICT/ESCAP-ın direktoru Kiyoung Konun giriş sözləri ilə açılıb. Daha sonra tədbir “Rəqəmsal Hökumət və Transformasiya üzrə Akademiya Modulu” “Genişzolaqlı İnternet üçün Sektorlararası İnfrastruktur Paylaşımı üzrə Akademiya Modulu” və digər sessiyalar ilə davam edib.
Proqram çərçivəsində aşağıdakı mövzulara dair təqdimatlar nümayiş etdirilib:
- Aktiv Yaşlanma üçün İKT üzrə Akademiya Modulu (Academy Module on ICT for Active Ageing)
- İnklüziv Rəqəmsal İnkişaf üzrə Akademiya Modulu (Academy Module on Inclusive Digital Development)
- Məlumata əsaslanan İdarəetmənin Reallaşdırılması üzrə Akademiya Modulu (Academy Module on Realizing Data-Driven Governance)
- Davamlı İnkişaf üçün Sərhəd İKT-ləri üzrə Akademiya Modulu (Academy Module on Frontier ICTs for Sustainable Development)
- Məlumatların Məxfiliyi və Mühafizəsi üzrə Akademiya Modulu: Qlobal standartı qəbul etmək (Academy Module on Data Privacy and Protection: Embracing a Global Standard)
Proqram ərzində 19 ölkə nümayəndəsi tərəfindən "Dövlət qulluqçularının İKT bacarıqlarının artırılması üzrə milli yanaşmalar" mövzusunda təqdimatlar nümayiş olunub. DİM-in E-imtahanlar və müsahibələrin təşkili Departamentinin baş məsləhətçisi Gülmirə İsayeva "Azərbaycanda dövlət qulluqçularının İKT potensialının artırılmasına dair milli yanaşmalar" mövzusunda təqdimatla çıxış edib.
