Seminarda Bakı və Sumqayıt şəhərlərinin, Abşeron rayonunun ümumtəhsil və ali təhsil müəssisələrinin müəllimləri, metodistlər, AMEA-nın müvafiq sahə üzrə mütəxəssisləri iştirak ediblər.
Əvvəlcə seminar iştirakçıları xalqımızı Azərbaycan Respublikasının Müstəqillik günü münasibətilə təbrik ediblər, həmçinin müstəqillik uğrunda canından keçmiş şəhidlərin əziz xatirəsini də bir dəqiqəlik sükutla yad ediblər.
Proqramın hazırlanması və təkmilləşdirilməsi ilə bağlı yaradılmış işçi qrupu tərəfindən seminarın rəhbəri t.ü.f.d K.Məmmədov qəbul proqramını seminar iştirakçılarının müzakirəsinə təqdim edib. Proqramın hər bir bəndi 6-11-ci sinif dərslikləri ilə tutuşdurulub.
Seminar iştirakçıları proqramla bağlı fikirlər bildirib və təkliflər veriblər.
Növbəti seminarda müzakirə davam etdiriləcək.
Növbəti seminar 24 oktyabr 2019-cu il tarixdə, saat 11:00-da (Ünvan: Abdulvahab Salamzadə küçəsi 28, keçmiş Bakı Asiya Universitetinin binası, 4-cü mərtəbə, akt zalı) keçiriləcək.
