Seminarlarda gündəlik məsələlər: riyaziyyat və rus dili fənləri üzrə ümumi orta (9 illik) təhsil səviyyəsi üzrə buraxılış imtahanı, fizika, biologiya, tarix və coğrafiya fənləri üzrə isə ali təhsil müəssisələrinə qəbul imtahanı proqramlarının müzakirəsinin davamı olub.
Seminarlarda orta ümumtəhsil və ali təhsil müəssisələrinin müəllimləri, metodistlər və Azərbaycan Milli Elmlər Akademiyasının Elm və Təhsil Nazirliyinin tabeliyində olan institutlarının müvafiq fənlər üzrə mütəxəssisləri iştirak ediblər. Eyni zamanda DİM-in regional bölmələri (Naxçıvan, Gəncə, Şirvan, Lənkəran, Şəki, Bərdə, Xaçmaz, Şəmkir, Göyçay) ilə onlayn bağlantı vasitəsilə həmin bölgələrdəki müəllimlər də müzakirələrə qoşulublar.
Rus dili fənni üzrə seminar rəhbəri Viktoriya Ələkbərova və riyaziyyat fənni üzrə seminar rəhbəri Asif Cümşüdov imtahan proqramları ilə bağlı müzakirələr aparmışlar.
Fizika fənni üzrə seminar rəhbəri professor Müsavər Musayev, biologiya üzrə seminar rəhbəri biologiya elmləri namizədi Tariyel Eybatov, tarix fənni üzrə seminar rəhbəri tarix üzrə fəlsəfə doktoru doktoru Mehman Abdullayev, coğrafiya fənni üzrə seminar rəhbəri coğrafiya üzrə fəlsəfə doktoru Həsən Nəbiyev müvafiq fənlər üzrə ali təhsil müəssisələrinə qəbul imtahanları proqramlarının müzakirəsini aparmışlar.
Seminarlara DİM-in regional bölmələrindən onlayn rejimdə qoşulmuş müəllimlər: riyaziyyat fənni üzrə Şəki rayonu Baş Göynük kənd tam orta məktəbinin müəllimi Əzizli Jalə, Gəncə şəhəri 23 nömrəli tam orta məktəbin müəllimi İbrahimova Pərvanə, Masallı rayonu Qızılavar kənd tam orta məktəbinin müəllimi Paşayev Azadxan, Xaçmaz şəhəri 3 nömrəli tam orta məktəbinin müəllimi İbrahimova Sənəm, fizika fənni üzrə Şirvan şəhər 10 nömrəli tam orta məktəbin müəllimi Nəhmədova Aygün, tarix fənni üzrə Lənkəran şəhər 5 nömrəli tam orta məktəbin müəllimi Rəcəbov Elsevər, Xaçmaz rayonu Köhnə Xaçmaz kənd tam orta məktəbinin müəllimi Səfərov Seymur, biologiya fənni üzrə Göyçay şəhəri 3 nömrəli tam orta məktəbin müəllimi Salihova Səidə, Şərur rayonu Muğanlı kənd tam orta məktəbinin müəllimi Baba Babayev, coğrafiya fənni üzrə Goranboy rayonu Alpout kənd tam orta məktəbinin müəllimi Akif Bayramov, Şirvan şəhəri 2 nömrəli məktəbin müəllimi Hacızadə Fatma müzakirələrdə aktiv iştirak etmiş, müzakirə edilən məsələlər baradə öz fikirlərini bildirmişlər.
Ümumi orta (9 illik) təhsil səviyyəsi üzrə buraxılış imtahanı proqramları “Abituriyent” jurnalının xüsusi buraxılışında, ali təhsil müəssisələrinə qəbul imtahanı proqramları isə “Abituriyent” jurnalının 1-ci sayında çap ediləcəkdir.
Müzakirələr növbəti həftə davam etdiriləcəkdir.
Riyaziyyat fənni üzrə seminarda uzun illər DİM-də seminar rəhbəri olmuş professor Məmməd Yaqubovu 85 illik yubileyi münasibəti ilə DİM-in şöbə müdiri Afiqə Batıyeva Dövlət İmtahan Mərkəzinin rəhbərliyi adından təbrik edib. Onun elmi-pedoqoji fəaliyyəti və DİM-də gördüyü işlər barədə seminar iştirakçılarına məlumat verib. Daha sonra seminar iştirakçıları Məmməd Yaqubovla xatirə fotosu çəkdiriblər.
