24 oktyabr 2022-ci il tarixində DİM-in Strateji inkişaf şöbəsinin əməkdaşları ADA Universitetində “Enrich your study and work opportunities with Cambridge Qualifications” adlı ingilis dilində məlumat sessiyası keçiriblər.
Tədbir zamanı DİM-in fəaliyyəti, beynəlxalq tərəfdaşları və əməkdaşlıq etdiyi qurumlar, DİM tərəfindən keçirilən beynəlxalq imtahanlar barəsində məlumat verilib.
Sessiyanın əsas hissəsi Kembric ingilis dili kvalifikasiyalarına həsr olunub. Belə ki, Kembric imtahanlarının beynəlxalq səviyyədə tanınması, müxtəlif səviyyə imtahanları (A1, A2, B1, B2), sertifikatın müddətsiz olması, əlçatan hazırlıq imkanları kimi üstünlükləri barədə iştirakçılara məlumat verilib.
Daha sonra DİM-in beynəlxalq imtahanlar üçün vahid qeydiyyat platforması haqqında məlumat verilib və qeydiyyatdan keçmə prosesi tələbələrə interaktiv şəkildə göstərilib. Yekunda isə iştirakçıların sualları cavablandırılıb.
Xatırladaq ki, DİM Kembric Universiteti Nəşriyyat və Qiymətləndirmə qurumunun rəsmi test mərkəzlərindən biri kimi “Cambridge English Qualifications”, “Cambridge English Teaching” və “LinguaSkill”, həmçinin müraciət əsasında “Cambridge English Placement Test” imtahanlarını keçirir.
2022-ci ilin sonunadək DİM-də keçiriləcək Kembric imtahanlarının tarixlərini keçiddən istifadə edərək əldə edə bilərsiniz.
DİM-in keçirdiyi digər beynəlxalq imtahanlarla bağlı isə bu keçid vasitəsilə ətraflı məlumat əldə etmək mümkündür.
