8 Noyabr – Zəfər Günündə Dövlət İmtahan Mərkəzinin kollektivi şəhidlərimizin xatirəsini yad etmək üçün Zəfər Parkını ziyarət edib və parkın girişindəki abidənin önünə gül dəstələri düzüblər.
Dövlət İmtahan Mərkəzinin əməkdaşları şəhidlərimizin ruhu qarşısında baş əyib, onların xatirəsinə hörmət və ehtiramlarını ifadə ediblər.
Qeyd edək ki, Zəfər parkı, parkın girişindəki Zəfər tağı Azərbaycan tarixinə həkk olunmuş 44 günlük Vətən müharibəsini, şanlı Qələbəmizi, qəhrəman şəhidlərimizin əziz xatirəsini yaşadır və buraya gələn hər bir ziyarətçinin yaddaşında bu qürurverici tarix yenidən canlanır.
Zəfər bayramınız mübarək olsun!