Qazaxıstana işgüzar səfər zamanı 2 oktyabr 2024-cü il tarixində Dövlət İmtahan Mərkəzinin İdarə Heyəti sədrinin müavini Namiq Babayev və Yoxlama-ölçmə materiallarının işlənməsi departamentinin müdiri Natiq Əliyev Qazaxıstanın Milli Test Mərkəzinin sədri Bolatbek Abdrasilovun rəhbərlik etidiyi nümayəndə heyəti ilə görüş keçiriblər. Görüş zamanı MTM nümayəndələri qurumun fəaliyyəti və həyata keçirilən imtahanlar haqqında məlumat veriblər. DİM-in nümayəndələri də öz növbəsində DİM-in fəaliyyət istiqamətləri haqqında çıxış ediblər.
Görüş zamanı tərəflər arasında sıx əməkdaşlıq və təcrübə mübadiləsi, qarşılıqlı təlimlərin təşkil olunması kimi məsələlər müzakirə olunub. Hər iki tərəf təhsilin qiymətləndirilməsi sahəsində qabaqcıl təcrübələrin öyrənilməsi və tətbiqi, eyni zamanda imtahan sistemlərinin tətbiqi üzrə birgə əməkdaşlıq üçün imkanlar olduğunu vurğulayıblar.
