Azərbaycan Respublikası Prezidentinin 2022-ci il 22 iyul tarixli 3378 nömrəli Sərəncamı ilə təsdiq edilmiş “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nın 1-3-cü bəndlərində nəzərdə tutulmuş tədbirlər üzrə Dövlət İmtahan Mərkəzi əsas icraçı qurum olduğundan, Mərkəz tərəfindən 2023-cü ilin sonuna qədər Azərbaycan Respublikasının inzibati bölgüsünə əsasən bütün regionlarında dövlət qulluqçuları üçün təlimlər keçirilir.
Növbəti təlimlər 9 – 13 oktyabr 2023-cü il tarixlərində Samux, Gəncə, Göygöl, Daşkəsən və Goranboy rayonlarında təşkil olunur.
Gəncə-Daşkəsən iqtisadi rayonu üzrə ilk təlimlər 9 oktyabr tarixində Gəncə şəhərində Azərbaycan Dövlət Aqrar Universitetinin binasında “Dövlət qulluğunda etik davranış qaydaları və korrupsiya ilə mübarizə; Dövlət qulluqçularının xidməti fəaliyyətinin qiymətləndirilməsi qaydaları”mövzularında; Yeni Azərbaycan Partiyası Samux Rayon təşkilatının inzibati binasında “Dövlətin əsasları; Dövlət qulluğuna dair qanunverciliyin tətbiqi” mövzularında; Göygöl Gənclər Evinin binasında “Münaqişələrin idarə edilməsi; Rəhbər vəzifəli şəxslər üçün insan resurslarının idarəedilməsi və liderlik” mövzularında dövlət qulluqçuları və icra hakimiyyəti nümayəndələrinin iştirakı ilə keçirilib.
Təlimlər zamanı mövzular çərçivəsində müvafiq məlumatlar verilib və müzakirə aparılmaqla suallar cavablandırılıb.
Qeyd edək ki, təlimlər təqvim üzrə ilin sonunadək davam edəcək.
