Bu gün idman istiqamətinin 61-ci komissiyası üzrə Azərbaycan İdman Akademiyasında Ağırlıqqaldırma (6104), Boks (6107), Voleybol (6119), Kamandan oxatma (6123), Yunan-Roma güləşi ( 6127) və Azərbaycan Cüdo Federasiyasının inzibati binasında Futbol (6108), Cüdo (6110) ixtisaslarının qabiliyyət imtahanları keçirilib.
Xatırladaq ki, hazırda ali təhsil müəssisələrinin I ixtisas qrupunun Memarlıq, III ixtisas qrupunun jurnalistika və islamşünaslıq (dini-psixoloji komissiya), V ixtisas qrupunun teatr, kino və xoreoqrafiya sənəti, musiqi sənəti və təsviri sənət istiqamətləri üzrə qabiliyyət imtahanları yekunlaşıb. İdman istiqamətinin 62-ci (ümumi fiziki hazırlıq, adaptiv bədən tərbiyəsi, kütləvi sağlamlaşdırıcı idman) və 63-cü (çağırışaqədərki hazırlıq və fiziki tərbiyə müəllimliyi) komissiyaları üzrə imtahanlar da başa çatıb.
Həmçinin 61-ci (məşqçilik) komissiyanın fiziki hazırlıq üzrə imtahanları yekunlaşıb, ixtisas imtahanları isə 7 avqust tarixində başa çatacaq.
