6 noyabr 2026-cı il tarixində Dövlət İmtahan Mərkəzinin İstedadın psixometrik diaqnostikası və maarifləndirmə sektorunun böyük məsləhətçisi Sevinc Məmmədova tərəfindən Gənclər və İdman Nazirliyinin əməkdaşları üçün “İş mühitində sağlam rəqabət və əməkdaşlığın rolu” mövzusunda təlim keçirilib.
Dövlət İmtahan Mərkəzinin təşkilatçılığı ilə keçirilən təlimdə iştirakçılar stresin yaranma səbəbləri, növləri və əlamətləri ilə tanış olublar. Stresin fiziki və psixoloji sağlamlığa, gündəlik həyata və iş fəaliyyətinə təsiri müzakirə edilib.
Təlimin praktik hissəsində iştirakçılar iş və gündəlik həyatla bağlı situasiyaları təhlil edib, stres yaradan amilləri müəyyənləşdirib və mümkün həll yollarını müzakirə ediblər. Nümunələr üzərində hadisəni necə şərh etdiyimizin həmin hadisəyə emosional reaksiyamıza necə təsir göstərdiyi nəzərdən keçirilib.
Təlimdə həmçinin gərginliyi azaltmaq üçün nəfəs və relaksasiya məşqləri, işləri vacibliyinə və təcililiyinə görə planlaşdırmaq üsulları və stresin idarə olunması üzrə fərdi planın hazırlanması barədə məlumat verilib.
