30 iyun 2024-cü il tarixində keçirilən inzibati icraçı vəzifələr (B növü üzrə) üzrə dövlət qulluğuna qəbul imtahanından sonra Mərkəzin Apellyasiya Komissiyasına daxil olan müraciətlər araşdırılaraq təhlil olunmuşdur. İmtahanda istifadə olunan test tapşırıqlarının təkrar ekspertizası həyata keçirilmiş və onların məzmunu barədə mütəxəssis‑ekspertlərin rəyi alınmışdır.
Apellyasiya Komissiyasının qərarına əsasən, müxtəlif variantlarda işlədilən eyni məzmunlu qanunvericilik bloku üzrə 1 qapalı tipli test tapşırığın düzgün cavabı kimi iki cavab bəndi (etalondakı cavab bəndindən əlavə daha bir bənd) uyğun hesab edildiyindən həmin sualın düzgün cavabı olaraq aşağıdakı cavab bəndlərini seçən namizədlərin imtahan nəticəsinə müvafiq dəyişiklik edilməsi qərara alınmışdır.
|
Sual kitabçası |
Tapşırığın nömrəsi |
Digər düzgün cavab bəndi |
|
BA növü üzrə A variantı |
16 |
B |
|
BA növü üzrə B variantı |
18 |
A |
|
BB növü üzrə A variantı |
26 |
A |
|
BB növü üzrə B variantı |
28 |
A |
Beləliklə, müvafiq sualın düzgün cavabı kimi yuxarıda qeyd olunan cavab bəndini də seçmiş namizədlərin imtahan nəticələrinə 1 (bir) bal əlavə olunmuşdur.
İmtahanda istifadə olunan digər tapşırıqlarda nəticələrə təsir edə biləcək elmi-metodiki yanlışlıq müəyyən olunmamışdır.
Bundan əlavə, imtahanda istifadə olunan və namizədlərin cavab verməkdə çətinlik çəkdikləri bəzi test tapşırıqlarının izahını da təqdim edirik. Namizədlər həmin tapşırıqların izahı ilə buradan tanış ola bilərlər.