Dövlət İmtahan Mərkəzində 19-23 oktyabr 2020-ci il tarixlərində Pearson VUE (Virtual University Enterprises) tərəfindən təqdim olunan layihələrin idarə edilməsi, IT və audit sahələrinə aid olan aşağıdakı beynəlxalq imtahanlar təşkil olunub:
- PMI - Project Management Institute təşkilatının “PMI Agile Certified Practitioner (PMI-ACP) ®” sertifikat imtahanı;
- Oracle Certification Program təşkilatının “Oracle Database 11g: Program with PL/SQL” (1Z0-144) sertifikat imtahanı;
- Institute of Internal Auditors təşkilatının “CIA Exam Part Two: Practice of Internal Auditing” sertifikat imtahanı.
Hər imtahanda 1 nəfər olmaqla, ümumilikdə 3 nəfər iştirak edib. Keyfiyyətin və təhlükəsizliyin təmin edilməsi məqsədilə imtahanların keçirilməsinə dair bütün prosedurlara, həmçinin müvafiq sanitar-gigiyenik qaydalara riayət olunub.
DİM-də keçirilən müxtəlif ixtisas sahələri, həmçinin ingilis dili üzrə imtahanların vaxtı ilə aşağıdakı cədvəldən tanış olmaq mümkündür:
|
İmtahanın adı |
Gün |
Saat |
|
“Pearson VUE”-nun IT, maliyyə, menecment, audit, marketinq və s. sahələr üzrə 100-dən çox professional imtahan |
Hər həftənin I, III, V günləri |
Səhər növbəsi: 08:30–13:30 Günorta növbəsi: 14:00-18:00 |
|
“Pearson Test of English Academic” (PTE Academic) |
Hər həftənin II günləri |
Günorta növbəsi: 15:00-18:00 |
İmtahanlara qeydiyyat və digər məsələlər ilə bağlı daha ətraflı məlumat verilmiş keçiddə qeyd olunub.