DİM tərəfindən keçirilən yekun qiymətləndirmə (buraxılış) və ali təhsil müəssisələrinə qəbul imtahanlarının proqramlarına daxil olan fənlər üzrə qapalı və açıq tipli, eləcə də mətn və situasiya əsasında test tapşırıqları hazırlamaq istəyən şəxslər yazdıqları mətnləri və test tapşırıqlarını testbanki@dim.gov.az mail ünvanına göndərə bilərlər.
İlk dəfə test tapşırığı hazırlayan şəxslər özləri haqda məlumatı aşağıdakı formaya daxil edərək yuxarıda göstərilən poçt ünvanına göndərməlidirlər. Test tapşırığı blankı nümunəsini buradan yükləmək olar.
Yekun qiymətləndirmə (buraxılış) imtahanının proqramına daxil olan fənlər:
Tədris dili (Azərbaycan dili, rus dili)
Tədris dilindən bədii və ya publisistik məzmunlu 280-310 sözdən ibarət mətn əsasında 10 test tapşırığı hazırlanmalıdır. Test tapşırıqlarının 5-i qapalı, 5-i isə açıq tipli olmalıdır. Nümunə mətn (Azərbaycan dili, rus dili).
Riyaziyyat
Riyaziyyat fənnindən hazırlanacaq test tapşırıqları açıq tipli olmalıdır. Müəlliflər test tapşırıqlarının həllini tam şəkildə göstərməlidirlər. Test tapşırığı nümunələri
Xarici dillər (ingilis, alman, fransız, rus, ərəb, fars)
Xarici dil fənnindən publisistik məzmunlu 180 - 200 sözdən ibarət mətn əsasında 8 test tapşırığı hazırlanmalıdır. Test tapşırıqlarının 4-ü qapalı, 4-ü isə açıq tipli olmalıdır.
Qəbul imtahanlarının proqramına daxil olan fənlər
Azərbaycan dili (test tapşırığı nümunələri: açıq, qapalı və situasiya)
Ədəbiyyat (test tapşırığı nümunələri: açıq, qapalı və situasiya)
Rus dili (test tapşırığı nümunələri: açıq, qapalı və situasiya)
Rus ədəbiyyatı (test tapşırığı nümunələri: açıq, qapalı və situasiya)
Riyaziyyat (test tapşırığı nümunələri: açıq, qapalı və situasiya)
Fizika (test tapşırığı nümunələri: açıq, qapalı və situasiya)
Kimya (test tapşırığı nümunələri: açıq, qapalı və situasiya)
Biologiya (test tapşırığı nümunələri: açıq, qapalı və situasiya)
Tarix (test tapşırığı nümunələri: açıq, qapalı və situasiya)
Coğrafiya (test tapşırığı nümunələri: açıq, qapalı və situasiya)
Hazırlanan qapalı (çoxseçimli) və açıq tipli test tapşırıqları aşağıdakı tələblərə uyğun olmalıdır:
- Test tapşırıqları hazırda orta ümumtəhsil məktəblərində tədris olunan təhsil proqramında (kurikulumda) yer alan və müvafiq fənnin təlim nəticələrində əks olunan bilik və bacarıqların yoxlanılmasına xidmət etməlidir. Çox bəsit və faktoloji bilikləri yoxlayan test tapşırıqları qəbul edilməyəcəkdir;
- Test tapşırıqlarının mövzusu qəbul proqramı və dərsliklər çərçivəsindən kənara çıxmamalıdır;
- Şərt qısa, dəqiq, aydın və birmənalı olmalıdır;
- Doğru cavablar dəqiq və birmənalı olmalıdır;
- Testlərin həlli böyük həcmli hesablama tələb etməməlidir;
- Qapalı tipli test tapşırıqlarında düzgün olmayan cavablar məntiqi cəhətdən əsaslandırılmalı və düzgün cavaba yaxın olmalıdır;
- Hər bir tapşırığın şərh hissəsində onun aid olduğu mövzu və bu mövzunun hansı dərslikdə əhatə olunduğu göstərilməlidir;
- Test tapşırıqları orijinal olmalı, yəni heç bir nəşrdə təkrar olunmamalıdır.
Müvafiq tələblərə cavab verən və ekspertizadan keçirilərək test bankına daxil edilən hər bir test tapşırığı və mətnə görə müəlliflərə müqavilə əsasında mövcud tariflərə əsasən əməkhaqqı ödəniləcəkdir.