Dövlət İmtahan Mərkəzinin Yoxlama-ölçmə materiallarının işlənməsi departamentinin Magistratura, PMS və ali təhsil üzrə digər imtahanlar sektorunda böyük məsləhətçi vəzifəsi üzrə vakansiya elan edilir.
Qulluq funksiyaları:
- Magistratura, dövlət qulluğu və digər işə qəbul imtahanları üçün informatika üzrə yoxlama-ölçmə materiallarının işlənib-hazırlanmasına ekspertlərin cəlb edilməsi, yoxlama-ölçmə materiallarının ekspertizasının, mövcud olan test tapşırığı banklarının mütəmadi olaraq təftişinin təşkil edilməsi;
- İnformatika üzrə yoxlama-ölçmə materiallarının işlənib-hazırlanmasında, ekspertizasında, mövcud olan test tapşırığı banklarının mütəmadi olaraq təftişində iştirak edilməsi;
- Ümumi metodiki göstərişlərin işlənib hazırlanması;
- Səlahiyyətləri daxilində şöbəyə daxil olan müraciətlərin araşdırılması və cavablandırılması;
- Qapalı rejimli mühitdə (bunker şəraitində) fiziki iştirak tələb edən tapşırıqların dəqiq icrasının təmin edilməsi.
- Mərkəzin keçirdiyi imtahan, müsahibə və tədbirlərdə iştirak edilməsi (zal nəzarətçisi, imtahan rəhbəri, Mərkəzin nümayəndəsi qismində və s.).
Tələblər:
- Təhsil: Ali təhsil (informatika müəllimliyi, riyaziyyat və informatika müəllimliyi, kompüter elmləri, informasiya texnologiyaları və İKT üzrə digər ixtisaslar);
- İş stajı: Vəzifənin qulluq funksiyalarına uyğun ən az 3 il iş stajı;
- Kompüter bilikləri: "MS Windows", "MS Office" proqramları, "Internet" və "Outlook" ilə işləmək bacarığı;
- Xarici dil bilikləri: Rus dili – B1; İngilis dili - arzuolunandır;
- Müvafiq fənn üzrə qəbul proqramı ilə yaxından tanış olmalı;
- Müvafiq fənn üzrə ali təhsil müəssisələrində istifadə edilən dərsliklərlə yaxından tanış olmalı;
- Test metodologiyası barədə ümumi məlumata malik olmalı;
Müraciət qaydası:
Vakansiya üzrə müraciət etmək istəyən şəxslər “Kadrlar uçotunun şəxsi vərəqəsini” dolduraraq mövzu bölməsində “Magistratura, PMS və ali təhsil üzrə digər imtahanlar sektoru – böyük məsləhətçi” qeyd etməklə 30 avqust 2025-ci il tarixinədək vacancy@dim.gov.az elektron poçt ünvanına göndərə bilərlər.