Tədbirə 20 avqust 2022-ci il tarixində keçirilmiş TKT imtahanının iştirakçıları dəvət olunub.
Tədbirdən öncə iştirakçılar DİM-də yaradılmış və ölkəmizin milli qiymətləndirmə sisteminin tarixini əks etdirən muzey ilə tanış olublar.
Tədbir zamanı DİM-in Strateji inkişaf şöbəsinin əməkdaşı Gülçöhrə Abdurahmanlı DİM-in keçirdiyi beynəlxalq imtahanlar haqqında təqdimat edib və iştirakçıların suallarını cavablandırıb.
Sonda isə iştirakçılara sertifikatlar təqdim olunub.
TKT ingilis dilinin tədrisi sahəsində müəllimlərin bilik və bacarıqlarını yoxlayan Kembric kvalifikasiyalarından biridir. Dünya səviyyəsində tanınan TKT sertifikatı həm yeni, həm də təcrübəli müəllimlərə öz bacarıqlarını sübut etmək imkanı yaradır.
Xatırladaq ki, DİM “Cambridge University Press & Assessment” qurumunun rəsmi test mərkəzlərindən biri olaraq “Cambridge English Assessment (Kembric İngilis dili üzrə Qiymətləndirmə)”, “Cambridge English Teaching (Kembric İngilis dili üzrə Tədris)” və “LinguaSkill” imtahanlarını da təklif edir. Kembric İngilis dili Kvalifikasiyaları üzrə imtahanlar barəsində ətraflı məlumatı verilmiş keçiddən əldə edə bilərsiniz.
2022-ci ilin sonunadək DİM-də keçiriləcək Kembric imtahanlarının tarixləri barədə məlumatı keçiddən əldə edə bilərsiniz.
